دێ چەوا دان وستاندن سەر گرن
Thursday, 30/06/2011, 12:00
د روژانێن مە یێن ئەڤرو دا تەڤایا خەلكێ كوردستانێ وەك چاڤدێر یێ ل ژڤانێ دانوستاندنێن ئایندەیێ هەرێمێ دناڤبەرا ئوپوزسیون و دەسهەلاتێ دا سەربگرین
لێ گومان تێدا نینە و دڤێت ئەم دان پێ دانێ ب هندێ بكەین كو هەردوو لایەن ملكەچی شێوازێ دیالوكێ بوین بو چارەسەریێ پێنگاڤەكا دیموكراسی و پێشكەفتیە , بەلێ پشتی چەند روینشتن هاتینە كرن و دانوستاندن ب سنگەكێ بەرفرەه هاتینە ئەنجام دان و پروژێن هەردوو لایەنان هاتینە ئالوگوركرن , نوكە گوهێن تەڤایا جەماوەرێ كوردستانێ دڤەكرینە كانێ دێ چ مزگینیا دلڤەكەر بیتە رەوشا مللەتی و وەلاتی .
ل گور واقع و شێوازێن ئەڤرو ئەم دبینین و مە گولێ دبیت لسەر زارێ رەوشەنبیرو سیاسەتمەدارێن كوردستانێ پێدڤیە میكانزما دان وستاندنا ڤی شێوازی وەرگریت دا بەرەڤ ئەنجامێن پوزەتیڤ بچیت و قەیرانا سیاسیا كوردستانێ چارە سەر ببیت
1. دڤێت ئەڤ بەرهەڤ بونە و ئەڤ سنگ فرەهیە بو پەیڤینێ و دیالوكێ هەر بمینیت, چ شێوازێن دی یێن د ئێك گەهشتنێ جهێ دیالوكێ نەگرن ئەگەر چ چارەسەری بو ڤێ قەیرانێ نەهاتنە دیتن.
2. یا باشتر بو هەردوو لایەنان خو نەئێخنە د چ گرێكێن دەروونی سیاسی دا وەك : بەرسڤدانا دەسهەلاتێ ب پروژەكێ بەرامبەر , چونكی ئەو پروژێن هاتینە بەرچاڤكرن هەتا نهو بو چاكسازیێ بتنێ یێن ئوپوزسیونێ بون یان یێن پارتەكا بسەر ئوپوزسیونێ ڤە بون , بتنێ پروژێ مام جەلالی نەبیت بو چاكسازیێ ئەگەر دەسهەلاتێ چ پروژێن تایبەت نەبوینە هەتا پروژێ 17 خالی ژی یێ هەمی پارتا و پەرلەمانی پێكڤە بویە , لەورا ئەز دبینم بەرسڤدان بو پروژەكی ژلایێ دەسهەلاتێ ڤە خالەكا نیگەتڤە یان هەستەكە ب كێماتیێ , یان دەسهەلات وەسا هزر دكەت كو ئەڤە دەستكەفتیەكە بو ئوپوزسیونێ چونكی كاردانەڤە نەنەخشێ چارەسەریێ.
3. پێدڤیە پاكێچ و خالێن چارەسەریێ میكانزم بو بێنە دانان , یان ئەڤ پاكێچە بێنە ژێكڤەكرن و برەنگەكێ قوناغ سازی (مرحلی) بكەڤنە بن دانوستاندنێ دا , تایبەت ئەوێن هەردوو لایەن لسەر رێككەفتین .
4. پێدڤیە هەردوو لایەن ئوپوزسیون و دەسهەلات رێكێ لهەمی پروپاكندەیێن نیگەتڤ بگرن دهەمی مەیدانێن راگەهاندنێ و جەماوەریدا , دا ئەڤ حالەتێ دەروونی یێ نیگەتڤ دناڤ مللەتی دا نەمینیت .
5. یا ژهەمیێ باشتر و گرنگتر و بەرهەمدارتر هەمی بزاڤ بێنە كرن چ خالێن سوور نەمینن لسەر ب لایەكی ڤە , بەلكی ئەگەر خالەكا سوور هەبیت هەردوو لایەن لسەر رێككەفتی بن و بدەنە لایەكی .
6. بلا بەرژەوەندی و پاشەرووژا مللەتی و وەلاتی ببیتە تشتەكێ راستەقینە و ئوپوزسیون و دەسهەلات هندەك قارەمانیا پێشكێشی مللەتی بكەن , كادی كی ڤێ چەندێ ب كریار بو مللەتی دەتە نیاسین .
7. پێدڤیە ژ ئەڤرو پێڤە دەمێ گەنگەشە لسەر خالەكێ دهێتە كرن داتا و پێزانین رولەكێ سەرەكی ببینن , یان بو هەر تشتەكی باش و خراب رێژە بێتە دەست نیشانكرن وەك : رێژا گەندەلیێ چەندە یان رێژا دەستكەفتیان چەندە وو هتد
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
