** گۆڕان**

Tuesday, 04/01/2011, 12:00

سوپاس بۆ گەلم گەل بە ئاگا ھات
بەرەو گۆڕانە وا خۆریش ھەڵھات
پێڵووی ھەڵبڕی میللەتی نووستووم
كەوتەوە سەر پێ خەڵكی پەككەوتووم
زۆر شادم ئەمڕۆ گەلم ھۆشیارە
سەر چۆپی گرتووە مەحوی ئەم جارە
پڕ بەدەنگ ئەڵێ ھاوارم بۆتان
بەرنەدەن ئاڵای گۆڕانی خۆتان
سەیری یارە كەن ڕەنگی گۆراوە
لە بوونی گۆران شین ھەڵگەڕاوە
پیرەمێرد ئێستا لە وێ وەستاوە
فرمێسك لە چاوا واقی ووڕماوە
ڕایگەیاند پێمان ووڵات گۆراوە
بیری كۆن و چەوت باوی نەماوە
ئەمجارەش ووتی پیری ووڵاتم
بەرەو گۆڕانە خەڵكە وا ھاتم
كاكە ئارامیش بروسكەی خۆی نارد
فەرمووی پەیامم بە گۆڕان سپارد
گەردەلوولەكەی گەرمیان و كوێستان
لە جێ ی چەك پێنووس ئەگرێتە سەر شان
دەرمان و چارە لە لای گۆڕانە
ھێوركەرەوەی دەرد و خەممانە


ھۆڵەندا