به‌په‌له/ ئاشتی هه‌روامی راستیه‌كی تری مه‌رامی ده‌سه‌ڵات له‌بانگه‌شه‌ی هه‌لبژاردنه‌كاندا ئاشكرا ده‌كات
Monday, 01/03/2010, 12:00
ئه‌مرۆ له‌كۆبونه‌وه‌ی په‌رله‌مانی كوردستاندا ئاشتی هه‌ورامی وه‌زیری سامانه‌سروشتیه‌كان كه‌له‌سه‌ردانێكی كتوپریدا ئاماده‌ی كۆبونه‌وه‌كه‌بوو ته‌نها بۆ رونكردنه‌وه‌ی خاڵێك ، كه‌راستیه‌كی گه‌وره‌ی بۆ هاووڵاتیان و خه‌ڵكی كوردستان ئاشكرا كرد كه‌حكومه‌ت ، ته‌نها بۆ مه‌به‌ست و مه‌رامی خۆی و بۆ بانگه‌شه‌ی هه‌لبژاردن خزمه‌تگوزاریه‌كان پێشكه‌ش ده‌كات ..
له‌باره‌ی هۆكاری سه‌ردانه‌كه‌ی ئاشتی هه‌ورامی و ئه‌و راستیه‌شاراوانه‌ی كه‌ئاشكرای كرد ، به‌رێز ناسك توفیق په‌رله‌مانتاری فراكسیۆنی یه‌كگرتوو له‌په‌رله‌مانی كوردستانه‌وه‌به‌سایتی یه‌كگرتووی راگه‌یاند :
له‌هاتنێكی كتوپردا دكتور ئاشتی هه‌ورامی ئاماده‌ی كۆبونه‌وه‌كه‌ی په‌رله‌مان بوو سه‌ره‌رای ئه‌وه‌ی كۆبونه‌وه‌ی په‌رله‌مان سه‌باره‌ت به‌تاوتوێ كردنی مادده‌كانی پرۆژه‌یاسای بودجه‌بوو ، به‌رێزیان ویستی رونكردنه‌وه‌یه‌ك بدات له‌سه‌ر ئه‌وه‌ی رۆژی پێشتر پرسیار زۆر كرا له‌سه‌ر ئه‌و ته‌ناقوزاتانه‌ی كه‌هه‌یه‌له‌به‌ینی ته‌قدیراتی بڕی گازوایل بۆ وه‌زاره‌تی كاره‌با كه‌به‌رێزیان وه‌ك وه‌زاره‌تی سامانه‌سروشتیه‌كان و هه‌م له‌لیژنه‌ی پیشه‌سازی و و‌زه‌و هه‌م له‌ناو په‌رله‌مان ئاماژه‌ی به‌وه‌دا كه‌ئه‌وان ئه‌توانن وه‌كو وه‌زاره‌ت كولفه‌ی گازوایل ده‌بر بكه‌ن بۆ كاره‌با و رێژه‌ی پاره‌ی بودجه‌ی حكومه‌ت له‌سه‌ر مه‌سه‌له‌ی فه‌رز كردنی پاره‌بۆ گازوایل كرین بۆ وێستگه‌كانی كاره‌با ئه‌بێته‌سفر ، واته‌وه‌زاره‌ت ئه‌توانێ ئه‌وه‌دابین بكات ..
ناسك تۆفیق وتی :
ئێمه‌پرسیارمان له‌و ته‌ناقوزه‌كرد و وه‌ڵامی ئه‌وه‌ی دایه‌وه‌و له‌وه‌ڵامه‌كه‌ی ئه‌وه‌ده‌ركه‌وت و وتی من ته‌كلیفم لێكراوه‌كه‌ئایا بری گازوایل چه‌ندمان پێویسته‌بۆ ئه‌وه‌ی بێ كاره‌با نه‌بین له‌به‌رواری
1/1 تا 7/3 كه‌ئه‌مه‌ده‌ری ئه‌خات كه‌موسیرن له‌سه‌ر ئه‌وه‌ی له‌كاتی هه‌لمه‌تی هه‌لبژاردنه‌كاندا كاره‌با هیچ كێشه‌یه‌كی نه‌بێت ، ئه‌مه‌وه‌كو ئه‌وه‌ی له‌ناو هاووڵاتیاندا باوه‌كه‌له‌ئه‌سنای هه‌لمه‌تی هه‌لبژاردنه‌كاندا كاره‌با باش ئه‌بێت ده‌ركه‌وت كه‌شتێكی پلان بۆ دارێژراوه‌و به‌رێزیان به‌نه‌سی قسه‌ی خۆی ده‌ری بری كه‌من پێم وتراوه‌له
1/1 بۆ 7/3 چه‌نده‌مان پێویسته‌بۆ ئه‌وه‌ی كاره‌با گرفتی نه‌بێت منیش ه‌قدیرم كردووه‌به‌برێك ، به‌ڵام هیچ دانیشتنێك و هیچ كۆبونه‌وه‌یه‌ك نه‌بووه‌له‌نێوان ئێمه‌و ئه‌واندا بۆیه‌ئه‌م ته‌ناقوزاته‌دروست بوبێت نازانم ئایا 6 وه‌حده‌ئیش ئه‌كات یان 8 وه‌حده
كاتی هه‌واڵه‌كه: 11 ی پێش نیوه‌رۆ
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
