نه‌ژاد عه‌زیز سورمێ زه‌ویه‌كی شاره‌وانی به 650 هه‌زار دۆلار ده‌فرۆشێت
Friday, 13/03/2009, 12:00
پاش ئه‌وه‌ی نه‌وزاد هادی له رێگای په‌یوه‌ندییه‌كانیه‌وه توانی پارچه زه‌ویه‌كی بازرگانی بدا به نه‌ژاد عه‌زیز سورمێی سه‌رنووسه‌ری رۆژنامه‌ی خه‌باتی پارتی له پێناو بلاونه‌كردنه‌وه‌ی ئه‌و هه‌واڵانه‌ی كه زیان به پارێزگا و شاره‌وانی هه‌ولێر ده‌گه‌یه‌نن گۆڕینی بۆ پیاهه‌ڵدان، كه نه‌ژاد به به‌رداوامی هه‌واڵ و ریپۆرتاژی دژی پارێزگار بڵاوئه‌كرده‌وه تا ئه‌و كاته‌ی ئه‌و پارچه زه‌ویه‌ی وه‌رگرت .
زه‌ویه‌كه‌یش به ناوی ئه‌نجامدانی پڕۆژه‌یه‌كی بازرگانی گرنگ وه‌رگرتبوو ،سه‌رچاوه‌یه‌ك له شاره‌وانی پێی راگه‌یاندین كه ئێستا پڕۆژه‌كه ئه‌نجامئه‌درێت و سوپه‌رماركێتێكی له‌سه‌ر دروستئه‌كرێت كه پرسیاری ئه‌وه‌مان لێیكرد كه كێ خاوه‌نی پڕۆژه‌یه‌كه رایگه‌یاند كه مۆڵه‌ت به ناوی (ك. ع . م) وه‌رگرتووه و مۆڵه‌تنامه‌كه له 23\2\2009 ته‌واوبووه به ناوی (ك. ع . م) . هه‌روه‌ك له راپۆرتی تیمه‌كانی شاره‌وانی هاتووه له به‌رواری 1\3\2008 كه‌لوپه‌لی بیناسازی هاتووه‌ته شوێنه‌كه و كرێكاره‌كان خه‌ریكی كاره‌كه‌ن.
پاش به‌دواداچوون كه (ك. ع . م) كێیه كه ئێستا ئه‌و پڕۆژه‌یه ئه‌نجامئه‌دا ده‌ركه‌وت كه‌سێكی بازرگانه و ئه‌و كه‌سه‌یه كه ئه‌و زه‌ویه‌ی له نه‌ژاد كڕیوه و له به‌رواری 28\ 1 \ 2009 نه‌ژاد زه‌ویه‌كه‌ی به ناوی كردووه.
پێش ئه‌وكاته‌ش به دوو رۆژ له یه‌كێك له نووسینگه‌كانی كڕین و فڕۆشتنی خانوو له هه‌ولێر گرێبه‌ستی فڕۆشتنه‌كه‌یان به بڕی 650 هه‌زار دۆلاری ئه‌مریكی مۆركردووه.
سه‌ره‌ڕای ئه‌م پارچه زه‌ویه‌ش نه‌ژاد پێشووتر سێ پارچه زه‌وی تر و دوو خانوو و دوو ئۆتۆمبێلی دوا مۆدێلی وه‌رگرتووه كه ئێستاش خانووه‌كان و ئۆتۆمبێله‌كان و چه‌ند پارچه ئه‌رزێكی ماوه.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
