مەلا مستەفا بۆ چوار ساڵ تەمەن قاسەکەی دزیی چوو لە ئەمریکا لە خەستەخانە مرد

Friday, 27/01/2012, 12:00

کەس بە قەد کوڕەکانیی و خزم و کەسو کارەکەی لە ترسنۆکیی و بودەڵەیی مە لامستەفا ئاگادرتر نین، هەر بۆیە ساڵانە دەیان و بگرە سەدان ملیۆن دۆلار لە پارەی خەڵکی کوردستان بۆ پیا هەڵدان و دێواندنی خەرج ئەکەن.
دوای شکستی کۆماری مهاباد، مەلا مستەفا نامەیەکی پڕ لە پاڕانەوە و کڕنوش بردنی بۆ مەلیکی ئەوکاتەی عێراق نو سی تا عەفوی بکا(بۆ خوێندنەوەی نامەکە سەیری لە خڕی ناوزەنگەو.....ی نەوشیروان مستەفا بکە) بەڵام کەمەلیك لەسەر چەتەیی و کوشتن و کارە خراپەکانی عەفوی نەکرد، وەنەبێ ئەوەندە ئازا و بە غیرەت بێ بڕوا لە قەندیل و شاخەکانی کوردستان بەرگری بکا بەڵکو ترسنۆکانە هەڵهات ، هەر لە ترسی ڕۆحی خۆشی بوو لە ڕوبارەکەی نێوان ئێران و ئەرمینیا (ئاراس)ی دا تا بگاتە سۆڤیەت.
دوای کودەتای قاسم، مەلا مستەفا کە گەڕایەوە عێراق وەك پیشەی جارانی کەوتەوە پیاو کوشتن و لە ناوبردنی دوژمنەکانی و هەر لە ڕێشدا مامی هۆشیار زێباری لە موسڵ کوشت. هەر لەگەڵ هەڵگیرسانی شۆڕشی ئەیلول و دەنگدانەوەی شەڕی بەردە قارەمان، مەلا مستەفا یەکسەر عەلی عەسکەری نارد بۆ تورکیا داوای پەنابەریی بۆبکا. ئەوکاتەشی کە ناکۆکی مەلایی و جەلالی سەری هەڵدا، مەلا مستەفا بۆ لەناوبردنی باڵی مەکتەبی سیاسی، هەر ڕێك وەکو ٣١ ی ئابەکەی مەسعود، تەشەبوسی بە حکومەتی عێرق کرد و بە سلێمانیدا هێزی ناردە سەریان لە شارباژێر.
باس کردن لە خیانەت و ناپاکیی و ترسنۆکیی مەلا مستەفا و قسە هەلەق و مەلەقەکانی بە درێژایی شۆڕش لە تەواو بون نایا بەڵام ئەگەر ئاشبەتاڵی ٧٥ نەبوایە ڕەنگە ئەوەندە شەن و کەوی نەویستایە. ئاشبەتاڵی ٧٥ لەسەر دەستی ئەم پیاوە بودەڵەیە هێندە کارەسات بارە کە لە فەرهەنگی لێکدانەوەی هیچ میللەتێکدا جێگەی نەبێتەوە. مەلامستەفا سەرکردەی بزوتنەوەیەك بو، خاوەنی سەدو بیست هەزار چەکدار و دەیان هەزار چەکی قۆرس و زیاتر لە سەد ملیۆن دۆلاری پارەی کاشی ئەوکاتە بو جگە لە خشڵ و زێڕ و زیو و کەل و پەلی بەنرخ، کەچی بێ غیرەتانە ئاشبەتاڵی ڕاگەیاند و هەمو پارەو سەروەتەکەی شۆڕشی لەگەڵ خۆیدا برد بۆ ئێران و لەوێوە ڕەوانەی بانکەکانی نەمسا و ئەمریکای کرد، لەو هەمو کەژ و کێوو لوتکەو شاخە سەختانەی کورستاندا نەك نەیتوانی یەك چرکەساتیش بمێنێتەوە، بەڵکو هەڕەشەی لە هەمو ئەوکەسانەش کرد لەوانە عەلی عەسکەری کە نەخەڵەتابن بیر لە شۆڕس و مقاوەمە بکەنەوە، بەوەشەوە نەوەستا لە دوای ئاشبەتاڵ کە لەکەرەج بوو، لە ڕاگەیاندنە عەرەبیی و ئێرانیی خۆراوایەکانەوە، کەوتە پیاهەڵدان بە شای ئێران و دوژمنانی کورد و لەبەرامبەریشدا هەزار و یەك قسەی ناشیرینی بە کورد و بزوتنەوەی سیاسی کورد وت، تا ئەوکاتەشی کە ڕۆیشت بۆ ئەمریکا بۆ ئەوەی لە سەر تەختەی خەستەخانە بمرێ، لە کارە خراپ وئامۆژگاریە ژەهراویەکانی بۆ کوڕەکانی نەکەوت. ساڵی ١٩٧٨ کە لەسەر تەختەی خەستەخانە هەواڵی بەدیل گرتنی عەلی عەسکەریی و هاوەڵەکانیان لە ناوچەی هەکاریی پێ ووت، یەکسەر لەسەر قەرەوێڵەکەی ڕاست بوەو وتیی "یەکسەر بیانکوژن بەتایبەتی عەلی عەسکەری چونکە ئەو.... لە ڕایات پێی وتم ئەگەر تۆ تاقەتت نەماوە من ئامادەم جڵەوی شۆڕش بگرم با ئاشبەتێڵ نەکەین" بەڵێ ئەم پیاوە بودەڵیە کە لە جیاتی قەندیل و چیا سەرکەشەکانی کوردستان پارەی شۆڕشی دزیی و لە سەر قەروێڵەی نەخۆشخانە لە ئەمریکا مرد، لەوێش لە قینەو بوغز نەکەوت بەرامبەر بە میللەتەکی خۆی، لەوێش چاوی بەرای نەئەهات کەسانێك شۆڕش هەڵگیرسێننەوە درێژە بەخەبات بدەن، ئەگەر نا چۆن لەسەرەمەرگا فەرمانی ڕەمی کردنی عەلی عەسکەریی و پێشمەرگەکانی کارەساتی هەکاری دەرئەکرد تەنها لەبەر ئەوەی ئەمانە قسەی ئەویان شکاندوە و شۆڕشیان هەڵگیرساندۆتەوە؟
مەلا مستەفا کە لە ترسنۆکیی، بێ غیرەتیی، خیانەت و تاڵانچێتیدا لە مێژودا وێنەی نیە، لە جیاتی پیاهەڵدان و بەهەدەردانی پارەی میللەت بۆ دێواندنی، دبوایە هەرگیز ڕێ نەدرایە لە کوردستان بنێژرێ خاکی کوردستانی لێ حەرام بکرایە ، وەك چۆن لە جیاتی مانەوە لە شاخە سەرکەشکانی کوردستان، هەڵهات و بۆ چوار ساڵ تەمەن چوو لە ئەمریکا لەسەر قەرەوێڵەی خەستەخانە مرد، دەبوایە جارێکی دیکە ڕێگە نەدرێ کوڕو کەس و کارەکەی پێ بخەنەوە سەر خاکی کوردستان وەك نازیەکانی ئەڵمانیا یەك بەدوای یەك دادگایی بکرانایە، گەر وا بکرایە ئێستا بەم ڕۆژە نەئەگیشتین کە بە ڕۆژی ڕۆناك نەینا ئەکوشتییین، سۆکایەتیان پێ نەئەکردین، خیانەتیان لێ نەئەکردین و بۆدجەو گومرگ و نەوتیان بە تاڵان نە ئەبردین.