نزیكه‌ى 12 پێشمه‌رگه هێرش ده‌كه‌نه سه‌ر ئه‌ندامێكى یه‌كگرتوو زۆر بێرِه‌حمانه ده‌یه‌ها شه‌ق و زله‌و بۆكسى لێ ده‌ده‌ن
Thursday, 04/03/2010, 12:00
ئه‌مرِۆ پێنج شه‌ممه4/3/ 2010 نزیك كاتژمێر دوانزه یه‌كێك له‌پۆلیسه‌كانى مه‌ڵبه‌ندى (10) شاره‌زوورى یه‌كگرتووى ئیسلامى كوردستان به‌ناوى (سلاح عبدالله‌محمد فرج) سه‌ردانى بنكه‌ى ده‌نگدانى تایبه‌ت به‌هێزى پێشمه‌رگه‌له‌شارى سیدسادق كه‌له‌ناو ئاماده‌یی سیدسادقى تێكه‌ڵاو دایه به‌مه‌به‌ستى گه‌یاندنى ژه‌مه‌خواردنى نیوه‌رِۆ بۆ نوێنه‌ره‌كانى لیستى 315 ى یه‌كگرتووى ئیسلامیی كوردستان , له‌گه‌ڵ په‌یامنێرى كه‌ناڵى ئاسمانى سپێده‌له سیدسادق ,به‌ڵام كاتێك ده‌گه‌نه‌نزیك بنكه‌كه‌یه‌كسه‌رله‌لایه‌ن چه‌ند پێشمه‌رگه‌یه‌كه‌وه‌به‌شێوه‌یه‌كى نایاسایى كه‌خۆیان به پاسه‌وانه‌كانى بنكه‌كه‌ده‌ناسێنن و داواى پێناسیان لێده‌كه‌ن , تیمى كه‌نالـَه‌كه‌یه‌كسه‌ر باجه‌كانیان پیشان ده‌ده‌ن و به‌ڵام سلاح عبدالله هه‌ندێ گیرده‌بێت له پیشاندانى هه‌ویه‌كه‌یدا پێیان ده‌ڵێت من هویه‌بۆ پاسه‌وانه‌كان ده‌رده‌هێنم ئێوه چ كاره‌ن , پاشان پێى ده‌لێن , ده‌باشه‌لێره‌رِابوه‌سته‌تا دێینه‌وه , له‌درێژه‌ى لێدوانه‌كه‌یدا بۆ سایتى یه‌كگرتوو سلاح عبدالله‌ووتى كه‌هاتنه‌وه نزیكه‌ى دوانزه‌كه‌س ده‌بوون , یه‌كسه‌ر به‌شه‌ق و زله‌و جوێن و تێهه‌ڵدان وه‌ڵامیان دامه‌وه‌و زیاتر له‌لایه‌ن یه‌كێكیانه‌وه, به‌ناوى (ك) زۆر بێرِه‌حمانه‌ده‌یه‌ها شه‌ق و زله و بۆكسم خواردووه, رێگه‌به‌تیمه‌كه‌ش ناده‌ن وێنه‌بگرێت و هه‌وڵى لێسه‌ندنى كامێراكه‌ش له‌وێنه‌گره‌كه‌ده‌ده‌ن , به‌ڵام خۆرِاگر ده‌بن و له‌كۆتایدا شوێنه‌كه‌به‌جێ ده‌هێڵن ,ده‌چن بۆ بنكه‌ى پۆلیس , له‌وێش پێنان ده‌ڵێن لاى نوێنه‌رتان له‌كۆمیسیۆن سكاڵا تۆماربكه‌ن .
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
