نامەیەكى كراوە بو نەوشیروان مستەفا و بزووتنەوەى گۆڕان: گۆڕان لە كفرى لە داكشانە
Sunday, 04/03/2012, 12:00
لە دواى درووست بوونى گۆڕان ئێمە وەكو كۆمەڵیك گەنجى گۆڕانخواز لە كفرى ڕۆڵى باشمان بینى لەسەر خستنى ئەو لیستە بە هاوكارى هەموو لایەك توانیمان جێگەى گۆڕان بكەینەوە لەشارەكە . دواى ئەوەى ئەو كات باڵى ڕیفۆرم هاتنە نێو بزووتنەوەكەوە وردە وردە ململانیەكان زەق بوونەوە بە ڵام تاڕادەیەك لە خزمەتى گۆڕان بوو . بەڵام گەورە ترین شكست بۆ گۆڕان ئەوە بوو كاتێك بەڕێزكیان هێنا و كردیان بە سەر پەرشتیارى گۆڕان لە كفرى ئەوەش گەورەترین زیانى بۆ گۆڕان هەبوو . بۆئەوەى ئێمە كەسى تر تۆمەتبار نەكەین چونكە سیاسەتى گۆڕان لە كفرى بە ئاراستەى دوو كەس بە ڕێوە ئەچێت ئەویش نەسرەدین محمود و ڕۆڤان سەروەت ە . ئەمانەش بۆ خۆیان دیارن چین و كێن وەك ناو خەڵك باوە كە نەسرەدین كار بۆ نەوشیروان مستەفا ئەكا و عوسمانى حاجى محمودیش لە ڕێگەى ڕۆڤانەو ئەیەوێت گۆران و تەكەتوولەكەى بە هێز بكات سەرەنجام ئەو دووكەسە یەك بۆ چوونیان هەیە ئەویش بە زیان بۆ بزووتنەوەى گۆڕان تەواو دەبێت . چونكە ئەوانە بە میزاجى شەخسى كار ئەكەن و حیساب بۆ كەس ناكەن رۆژانە دەنگ دەرى گۆران كەم ئەبێتەوە ئەگەر پیویست بكات ناو ئەبەین كە چەند خەڵكى دلسۆز واز لە گۆڕان ئەهنێت لە بەر كردەوە كانى ئەو دووكەسە . گۆڕان لە كفرى دامال راوە لە گەنج مەكۆكەیان بووەتە چاخانەیەكى بێ موشتەرى كەس ڕووى لێناكات رایەلە و بازنە هەمووى بە میزاجى ئەو دووكەسە دا ئەنریت نە پرس بە كەس ئەكریت نە ئەنجوومەن حیسابى بۆ ئەكریت . تكامان وایە لە بەڕیزتان لێكوڵینەوە بكەن چونكە بە راستى وەزعى گۆڕان لەبەر ئەو دووكەسە لە داكشانە.
كۆمەلێك گەنجى گۆڕان خوازى دوور لە مەكۆى كفرى
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
