گەنجین نیروە ریكان ریبازا خو بەرنادەن
Saturday, 04/07/2009, 12:00
ئاگەهداریەك د سایتى وە دا بەلاڤ بویە بناڤى گەنجین نیروە ریكان كو دى دەنگى خو دەنە لیستا گوران , هەلبەت ئەم باوەر ناكەین هیچ گەنجەكى نیروەیى ئەڤ بابەتە نڤیسیبیت , ئەگەر نە دا ویرەكانە ناڤى خو نڤیسیت , وە ئەو بابەتین د وى ئاگەهداریى دا بەلاڤ كرین زور دویرن ژ راستیى , عەشیرەتا نیروە ژ وان عەشیرەتانە كو خو ب خودانى شورەش و ریبازا بارزاتنیى نەمر دزانن چونكە دەست پیكا شورەشا ئەیلولا مەزن لا دەڤەرا مە هاتیە كرن , بل سەدان شەهید ژبونا رزگارى یا وەلاتى هاتینە بەخشین , شورەشا گولانى ژى دناڤ جەرگى دەڤەرا مەدا هاتە حەواندن , و پشتى پیلانا جەزائیرى ل سالا 1975 ژى پرانى یا خەلكى دەڤەرا مە بن دەستى لسەر خوە قەبویل نەكر و بەرەڤ ئیرانى ئاوارە بون و هەر زوى بو شورەشا دوبارە قەستا چیایین كوردستانى كرەڤە , پشتى سەرهەلدانى ژى دەمى ڤەگەریاینە وەلاتى , ب ئاوایەكى زورى جوان و باش ژلاى حكومەتا هەریما كوردستانى ڤە هاتنە پیشوازى كرن و خانى بو هاتنە ئاڤا كرن و هاریكارى یا مادى بو هەمى مالان هاتە بەخشین . ئیرو ژى پرانى یا گەنجین ڤى هوزى پیشمەرگین ریبازا بارزانینە , و ئالا هەلگرین كوردایەتیى و دەولەت بونینە , هیچ گەنجەكى مە نە دەیندارى لیستا گورانە و نە ب ئاوایەكى راست و دروس پیك ئینەرین ڤى لیستى دناسیت , جودا ژ رەفتارو ئاكارین پروپاگندین ڤى لیستى كو نە بتنى هیچ دەربرینەكى ژ (گوران) و بەرەڤ پیشڤە چونا گەلى مە ناكەت بەلكو هەلگرین كەلتورەكى رەق و یاخى بون و تیك دانا ئیمناهیى و یەك ریزى یا گەلى مەنە , درویشمى گوران (change) بویە درویشمەك كو ل هەلبژارتنین ئەڤ سالە ژلاى حیزبا دیموكرات ل ئەمریكا و (بەرەیى ئیێلاحى) ل ئیرانى هاتیە راكرن , لى وان براستى گوران دخاست و بەرنامەكى گوران خازانە هەبویە , لى لیستا گوران ل كوردستانى ژ گوران بتنى درویشم هەیە . لى تا نوكە نەسەلماندیە كو براستى دخازن گورانى بكەن , سوتنا ئالاى كوردستانى و تیك دانا ئارامى یا باژیران و ناڤ زراندنا لیستین دیتر و پەیوەندى كرن دگەل كەسانین ئاغاوات و نەهەژى ژبلى (گۆران) تشتەكى دتیر نینە . ئەڤجا چەوانى گەنجین دەڤەرا مە دى دەنگى خو دەنە لیستەكى كو ئالاى كوردستانى بسوژن ؟ ئەو ئالایى ب سەدان ژ باب و براین وان گەنجان ژ بونا وى خوگورى كرى و ب هزران تال و سویرى دیتى ؟
نەخیر ئەڤ ئاگەهدارى یە یا گەنجین دەڤەرا مە نینە , و نوینەراتى یا دەڤەرا مە ناكەت . و گەنجین دەڤەرا مە ژ سوزا خو بو ریبازا بارزانى نەمر لیڤە نابن و دیروك و خەبات و بەرخودانا باب و باپیرین خو نادەنە هندەك سوز و پروپاگندین بێ بنەما ,
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
