ڕوونکردنەوەیەك سەبارەت بە (ڤایکینگ هێلاس)Viking Hellas
Friday, 16/12/2011, 12:00
هەروەك زۆربەی گەشتیارانی کوردی ناوخۆ و دەرەوەی وڵات دەزانن کە کۆمپانیای ڤایکینگ هێلاس بە هاوکاری کۆمپانیای میران بۆ گەشتی ئاسمانی لە کوردستان بۆ ماوەیەکی دورو درێژ کاریان کردوە بۆ هێنان و بردنی سەرنشینەکان لە کوردستان بۆ وڵاتانی ئەروپا وە بە پێچەوانەوە. بۆ ئەم مەبەستەش ئەم کۆمپانیایە بە یارمەتی نوسینگە کوردیەکان لە وڵاتانی ئەوروپا و کوردستان بە تایبەتی وڵاتی بەریتانیا بلیتی فرۆکە بڕدراوە بۆ سەرنشینەکان تاوەکو لە ڕێگەی هێڵی ئاسمانی ڤایکینگ هێلاس سەفەر بکەن بۆ کوردستان وە بە پێچەوانەشەوە.
زۆر بەداخەوە لە بەرواری ٢٠/١٠/٢٠١١ بەدواوە کۆمپانیای ڤایکینگ هێلاس بە هاوکاری کۆمپانیای میران ئەڤییەشن لە کوردستان کارەکانی خۆیان ڕاگرت بەبێ ئاگاداری نوسینگەکان لە بەریتانیا و وڵاتانی ترجا لێرەدا ئێمەش وەك نوسینگەکان بلیتی فرۆکەمان بۆ زۆربەی سەرنشینەکان بڕیوە و کە پارەیان داوە بە نوسینگەکان بەلام لە هەمان کاتیشدا نوسینگەکان پارەی گەشتیارەکانیان داوە بە کۆمپانیای ڤایکینگ هێلاس وە کۆمپانیای میران لە کوردستان بەبێ هەستکردن بە لێپرسراوێتی بەرامبەر ئەو پارانەی کەوا لە خەڵکیان وەرگرتوە بە هیچ شێوەیەك ئامادە نین کەوا گوێ بگرن بۆ نوسینگەکانی بەریتانیا بۆ گەڕانەوەی پارەی ئەو خەڵکە کە دراوە بۆ سەفەرەکانیان بۆ چەند مانگی داهاتو، بۆیە هەریەك لە کۆمپانیای ڤایکینگ و میران لەو کێشەیە خۆیان دوور دەخەنەوەو وەك بەرزەکی بانان دەیانەوێت بۆی دەربچن وە دیسان بە ناوی جیاوازەوە کاربکەنەوە.... تەنیا زەرەرمەند لێرەدا ئە خەڵکانەن کە پارەیان داوە لەگەڵ ئەو نوسینگانەی کە پارەکەیان داوە بە کۆمپانیاکان.
جا بۆیە ئێمە وەك نوسینگەکانی بەریتانیا لەم ڕونکردنەوەیەدا بۆ خەڵکانی خۆشەویست ڕونی دەکەینەوە کەوا هەردەم لە هەوڵدا دەبین بۆ گەرانەوەی مافی ئەو خەڵکەی کە پارەیان داوە بۆ سەفەرەکانیان بە هەموو توانایەکی خۆمان بە پەیوەندیکردنمان لەگەڵ باڵویزخانەی عێراقی لە شاری مانچستەر، نوێنەرایەتی حکومەتی هەرێم لە لەندەن، بە تۆمارکردنی سکاڵا لە لای حکومەتی بەریتانیا، بە تۆمارکردنی سکاڵا لە لای حکومەتی یۆنان، بە تۆمارکردنی سکاڵا لە لای حکومەتی هەرێمی کوردستان، ئامادەکردنی ڕیپۆرتاژێك لە کەناڵە ئاسمانیەکانی کوردستان...
به‌ڵگه‌یه‌کی ئاشکراتر له‌سه‌ر کۆمپانیای میران ئه‌وه‌یه که ئه‌وان هه‌ر گه‌شتیارێك بلیتی لای ئه‌وان بڕیوه پاره‌که‌یان بۆ گه‌ڕاندۆته‌وه که ئه‌مه‌ش بڵگه‌یه‌کی زۆر به‌هێزه که پشکی هه‌بوه له‌گه‌ڵ ڤایکینگ هێلاس.
تەنها بۆ ڕونکرنەوەی زیاتر بێگومان هەندێك لە نوسینگەکانی به‌ریتانیا پارەیان گەڕاندۆتەوە بۆ سەرنشینەکان ئەمە تەنها لەبەر ئەوەیە کەوا ئەو ڕۆژەی کە زانراوە ئەو کۆمپانیایانە کارەکانیان وەستاندوە ئیتر پارەیان نەداوە بۆیە هەندێك لە سەرنشینەکان پارەیان وەرگرتوەتەوە.
نووسینگه‌کان:
1.Sarko Travel
2. colour travel
3. Bamo Travel
4. razan travel
5. lazo travel
6. sharazur travel
7.asian Travel
8. sartak travel
9. nawroz travel
10. asia group
11. kurdistan travel
12. roja travel
13. Manchester Travel
14. lana travel
[email protected]
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
