قوبادي جه‌لال تاڵاني و ئه‌حه‌ي نوري ماليکي ئه‌یکه‌ن به شه‌ڕه ته‌قه له دوبه‌ي
Monday, 13/12/2010, 12:00
وێب سايتي بابلي عێراقي چه‌ند ڕۆژێک له‌مه‌وبه‌ر ئاشکراي کرد که قوبادي جه‌لال تاڵاني و ئه‌حه‌ي نوري ماليکي ئه‌يکه‌ن به شه‌ڕه ته‌قه له دوبه‌ي ئه‌ويش له‌سه‌ر کڕيني ئوتێلێکي پێنج ئه‌ستێره که نرخه‌که‌ي 150 ملێون دۆلاره . سايته‌که درێژه‌ي پێ ئه‌دا و ئه‌ڵێ به‌پێي چه ند سه‌رچاوه‌يه‌کي نزيکي باڵێوزخانه‌ي عيراقي له دوبه‌ي ، شه‌ڕێکي گه‌وره دروست ئه‌بێت له نێوان پياوه‌کاني ئه‌م دوو بازرگانه تێکۆشه‌ره‌دا له ناو مه‌لهاي ئوتێلي ڕۆیال ئسکۆت دا ،که نزيکه‌ي 200 که‌سي تيادا بووه ، وه چه‌ند که‌سێکيش تووشي ناڕه‌حه‌تي و ڕاکردن بوون له ترسي ته‌قه کردني پياوه‌کاني ئه‌م دوو بازرگانه
هه‌روه‌ها به پێ ي ئه‌م سايته ، ئه‌مه يه‌که‌م جاريان ني یه که ئه‌بێت به شه‌ڕيان ، پێشوتريش شه‌ڕێکي تريش ڕوويداوه له نێوانياندا له‌سه‌ر کڕيني تابلۆیه‌کي هونه‌ري گران به‌ها له یه‌کێک له مه‌زادخانه‌کاني دوبه‌ي که له کۆتايي دا بازرگاني تێکۆشه‌ر قوباد تاڵاني ئه‌يکڕێت به زیاتر له 4 ملێون دۆلار .
له‌هه‌موو ووڵاته پێش که‌وتووه‌کاني جيهان ئيشي سیاسه‌ت مه‌داران ئه‌وه‌یه که به هه‌موو توانایانه‌وه هه‌وڵ بده‌ن خزمه‌تي گه‌ل و ووڵاته‌که‌یان بکه‌ن ، به‌رگري له به‌رژه‌وه‌ندي ميلله‌ته‌که‌یان بکه‌ن ، به‌ڵام له کوردستانه‌که‌ي ژێر ده‌ستي هه‌ردوو بنه‌ماڵه‌ي جه‌لال تاڵاني و مه‌سعود ساخته‌زاني سیاسه‌ت مه‌داران ئه‌گه‌ر بشێت پێ یان بڵێين سیاسه‌ت مه‌دار ،که له ڕاستي دا ئه‌و ووشه‌یه قابيلي یان ني یه ،بێجگه له خیانه‌ت کردن به‌رامبه‌ر گه‌له‌که‌مان ، هه‌ميشه خه‌ريکي تێکۆشانن له بواري بازرگاني کردندا ،که ئێستا هه‌موو که‌سێک ئه‌زانێت ئه‌مانه بێجگه له دزيني ملیاره‌ها دۆلاري ميلله‌ته‌که‌مان ، خه‌ريکي ده‌یان مامه‌ڵه‌ي بازرگاني کردنن وه گه‌له‌که‌ماني یان تووشي چه‌بدين نه‌خۆشي و به‌ڵا کردووه به هاورده کردني ده‌رماني ئێکسپایه‌ر ، خواردني ئێکسپایه‌ر ، که‌ل و په‌لي ئێکسپایه‌ر، جگه‌ره‌ي ئێکسپایه‌ر ، له‌ده‌ره‌وه‌ي کوردستان هه‌روه‌ها کڕيني ئوتێل و چیستخانه و پاپۆڕ و فڕۆکه‌خانه‌و کارگه‌ي چيمه‌نتۆ و ده‌یان شتي سه‌يرو سه‌مه‌ره‌ي تر له ده‌ره‌وه‌ي کوردستان .
ئه‌م دوو حيزبه چ یه‌کيتي و چ پارتي ،جێ ي خۆیه‌تي ناوي حيزبه‌که‌یان بگۆڕن له‌مه‌و دووا ، وه بيکه‌ن به کۆمپانیاي جه‌لال تاڵاني و کۆمپانیاي مه‌سعود ساخته‌زاني بۆ بازرگاني گشتي !!!!!!
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
