مایكڵ رۆبن: زیادبونی ئه‌گه‌ری دۆڕاندنی، یه‌كێتی والێكردوه په‌نا بۆ توندوتیژی ببات
Thursday, 25/02/2010, 12:00
له نوێترین وتاریدا كه له (ئینته‌رپر ایز بلۆگ) بڵاویكردۆته‌وه مایكڵ رۆبن رایگه‌یاندوه كه "زیادبونی ئه‌گه‌ری دۆڕاندنی، یه‌كێتیی والێكردوه په‌نا بۆ توندوتیژی ببات".
مایكڵ رۆبن ئه‌وه‌شی نوسیوه: "زیادبونی ئه‌گه‌ریی دۆڕاندنی له‌ده‌نگدان، یه‌كێتی نیشتمانیی كوردستان (ینك) ئه‌و حیزبه‌ی له‌لایه‌ن سه‌رۆك جه‌لال تاڵه‌بانییه‌وه رێبه‌رایه‌تی ده‌كرێت والێكردوه زیاتر په‌نا بۆ توندوتیژی ببات له‌دژی ركابه‌ره سه‌ره‌كییه‌كه‌ی لیستی گۆڕان. به‌پێی سایتی كوردی sbeiy.com پیاوه‌كانی میلیشیای ینك له رۆژی یه‌كشه‌ممه، هێرشێكی كتوپڕیان كردوه‌ته سه‌ر نوسینگه‌یه‌كی بانگه‌شه‌ی گۆڕان له شه‌قڵاوه‌ی نزیك هه‌ولێر‌و وێرانیان كردوه. له رۆژی 17ی شوباتدا، دو ئه‌فسه‌ری هێزی دژه تیرۆری ینك (برازای تاڵه‌بانی فه‌رمانده‌یه‌تی)، ئیتعترافیان كردوه كه ته‌قه‌یان له نوسینگه‌ی كاندیدێكی پارتی دیموكراتی كوردستان له‌كه‌ركوك كردوه، له‌هه‌وڵێكدا بۆئه‌وه‌ی وابڵاوی بكه‌ینه‌وه كه گۆڕان وایكردوه".
له نوسینه‌كه‌یدا مایكڵ رۆبن ئه‌وه‌شی ئاشكراكردوه: "بایه‌خی ئه‌و روداوانه بۆ سیاسه‌تی دوای هه‌ڵبژاردن له عێراق سێلایه‌نه‌یه:
1-هه‌وڵی زیاتری ینك كه كه‌متر ده‌ركه‌وێت ئه‌وه‌یه جه‌لال تاڵه‌بانی بتوانێت جارێكی تر سه‌رۆكایه‌تی عێراق وه‌ربگرێته‌وه. پشتیوانی ئه‌مه‌ریكا وه‌كو پێویست نییه.
2-باڵیۆزی ئه‌مه‌ریكا هه‌رزو بۆی ده‌رده‌كه‌وێت، پشتگوێخستنی ئۆپۆزسیۆن له دیموكراسییه‌كی ساوا ئاكامی باشی نابێت. ته‌نیا وریایی ئه‌وه بدات كه له‌وه‌ده‌چێت حیزبه ده‌سه‌ڵاتداره‌كان، هه‌مو هێلكه‌كانیان خستبێته یه‌ك سه‌به‌ته‌وه. باشه ئێستا واده‌رده‌كه‌وێت ئه‌و كوردانه‌ی مافی ده‌نگدانیان هه‌یه ده‌یانه‌وێت ئه‌و سه‌به‌ته بخه‌نه خواره‌وه. ئایا كۆشكی سپی ئاماده‌یه بۆ وه‌ڵامدانه‌وه‌ی ئۆپۆزسیۆنی كوردی ئه‌گه‌ر پرسیاری كرد "له‌م دواییانه‌دا چیت بۆ كردوم؟".
3-وه‌زاره‌تی به‌رگری‌‌و كۆشكی سپی پشتیوانیان له‌سه‌ودایه‌كی گه‌وره بۆ وه‌به‌رهێنان له‌كوردستانی عێراق ده‌كرد. ئه‌وانه‌ی له‌ڕێی قوباد تاڵه‌بانی، نوێنه‌ری كورد له‌واشنتۆن كارده‌كه‌ن، ده‌زانن كه به‌بێده‌نگی شه‌راكه‌تكردنی بازرگانی، ئه‌گه‌ر له‌لایه‌ن بنه‌ماڵه‌ی تاڵه‌بانی یان بارزانییه‌وه بێت، هه‌میشه پێویسته بۆ هه‌ر وه‌به‌رهێنانێك. باشه، هه‌مو ئه‌وانه‌ی شه‌راكه‌تیان كردوه له‌گه‌ڵ تاڵه‌بانییه‌كان، هه‌رزو بۆیان ده‌ركه‌وت وه‌به‌رهێنانه‌كه‌یان بێ ده‌ستكه‌وت بوه، پێویسته هه‌ڵبژاردنه‌كه به‌ڕێڕه‌وی ینكدا نه‌برێت".
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
