پارتی وخیانه‌ت وتاوانێکی گه‌وره‌تر
Sunday, 28/10/2012, 12:00
له‌وانه‌یه هه‌موومان گوێمان له خه‌به‌رێکی ناخۆش بوو،خه‌به‌ری پێکدادان وشه‌ڕ وخوێنڕشتن له نێوان
کوردانی ڕۆژئاوا وچه‌کدارانی سوپای ئازادی سووریا بوو. هه‌ر چه‌نده ڕووداوی وا سه‌رنجی هه‌موومان
به‌تایبه‌ت وزۆرتر دڵسۆزانی میله‌ته‌که‌مان ڕاده‌کێشێت، به‌ڵام له‌ناخه‌وه بریندار ونائاراممان ده‌کات. خوێنی
کورد حه‌رامه، خه‌تیسووره ،پیرۆزه ونابێت له‌ئاستیا بێده‌نگ وبێکردار بین.
هه‌رچه‌نده شه‌ڕوئاژاوه له‌به‌رژه‌وه‌ندی کوردنیه به‌ڵام وه‌کو دیاره وئاشکرابوو که‌هه‌ندێ لایه‌نی گه‌وره وبه‌ده‌سه‌ڵات ئاژاوه وکوردکوشتنیان مه‌به‌سته.
دوێنێ دووه‌م ڕۆژی جه‌ژن هێزێکی سوپای ئازادی سووریا هێڕشێکیان کردۆته سه‌ر ناوچه کوردیه‌کان
له گه‌ڕه‌کی ئه‌شره‌فییه له‌شاری حه‌له‌ب.ئه‌گه‌رچی کوردئاسا شه‌ڕێکی پاڵه‌وانانه وبێوێنه‌یان نواند به‌ڵام به
داخه‌وه چه‌ند قوربانییه‌کمان دا.
کورد له‌کوردستانی ڕۆژئاوا توانی شاره‌کوردیه‌کان کۆنتڕۆڵبکات وله وێرانی وسووتان بپارێزێت. به‌ڵام
ئه‌م هه‌نگاوه دڵسۆز وڕێکوپێکانه ترس وناخۆشی له ئه‌نقه‌ره ودوژمنانی کورد هێناوه‌ته ئاراوه وئوقره و
ئارامیان بڕاوه.
کاره‌که چۆن بووه وتورکیا چ ڕۆڵێکی گێڕاوه؟ تورکیا له شێوه‌ی حکومه‌ته‌کانی عیراقی ڕووخاو له کورد
جاشی دروستکردووه و هه‌ر وه‌کو عیراق ناوی سه‌ڵاحه‌دینی لێناوه. به‌ڵام ئه‌مجاره سه‌ڵاحه‌ددینی ئه‌یووبی
نییه، به‌ناوی سه‌ڵاح بدرالدینه. سه‌ڵاحی ناساڵح پارتییه وله ڕێگای مه‌سعود به‌رزانی خۆیه‌وه پێش چه‌ند
مانگێگ به تورکیا ناسراوه وکاری بۆ کراوه. که‌واته تورک خۆی هیچی پێناکرێت په‌نای بردۆته به‌ر
مه‌سعود به‌رزانی دارده‌ستیان بۆ کوردکوشتن وئاژاوه‌نانه‌وه ووێرانکردنی کوردستان.چونکه تورک سۆزی پێداوه بیکاته سه‌رۆکی کوردستان۰ئه‌ویش به‌مه دڵی زۆرخۆشه وکاریان بۆده‌کاتوخزمه‌تده‌کات۰
که‌واته که‌تیبه‌ی سه‌ڵاحه‌ددین که موسته‌شاره‌که‌ی مه‌سعود به‌رزانییه سوپای ئازادی سووریایان هانداوه و
له‌گه‌ڵیان هێڕشیان کردۆته سه‌ر ناوچه‌که. که‌واته ئه‌م خیانه‌ت وخوێنڕشتن وتاوان وماڵوێرانییه که که‌م
وێنه نییه له‌مێژووی کوردا، هه‌مووی ده‌که‌وێته سه‌ر کڵتووری خیانه‌ت وڕه‌شی پارتی به‌گشتی و سه‌رۆکه‌که‌ی مه‌سعود به‌رزانی به‌تایبه‌تی.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
