ده‌با خه‌ممان خه‌می خاک بێت

Monday, 21/03/2011, 12:00

بورهان مه‌جید راگه‌یاندنه‌کانی ئه‌م ده‌سه‌لاته‌ گه‌نده‌له‌ ئاگام لێیه‌ شه‌وی وا هه‌یه‌ سێ تا جوار جار گۆرانی خه‌می خاک داده‌به‌زێنن ، من لێره‌وه‌ به‌ خه‌ڵکی کوردستان ده‌ڵێم ئه‌مانه‌ تا سه‌ر ئێسقان درۆ ده‌که‌ن بۆیه‌ من ده‌ڵێم له‌ مه‌یدانی کوردایه‌تی چونکه‌ ئه‌وه‌ مه‌یدانه‌که‌یه ‌و خه‌ڵک له‌ خۆیه‌وه‌ نایه‌ته‌ سه‌ر جاده‌.
ئه‌وانه‌ی که‌ به‌ سه‌ر ده‌سه‌ڵاتدا هه‌ڵده‌ده‌ن له‌ ناز و نیعمه‌تێکی بێ شوماردان خه‌ڵکیش هه‌بوو بۆ چه‌ند دینارێک ده‌بوو به‌ جاش چونکه‌ پاره‌ و سه‌روه‌ت و سامان زۆر گرنگه‌ لای هه‌ندێک که‌س.
هه‌ندێک که‌سی هه‌رزه‌ و بوده‌ڵه‌ و ئه‌ڵقه‌ له‌ گوێیان هێنا و به‌ جانتا پاره‌یان دانێ که‌ بچنه‌ تورکیا چی ده‌هێننه‌وه‌ بیهێنن ته‌نیا گۆرانی کوردی نه‌بێت، بچنه‌ میسرو وه‌ک چۆن کچه‌کانی کورد ئه‌نفالکران گۆرانی کوردی ئه‌نفال بکه‌ن که‌ گه‌ڕاشه‌وه‌ ده‌یکه‌ن به‌ ڕاوێژکاری هونه‌ری کوردی که‌ کردیشیان.
ئه‌مانه‌ راست ناکه‌ن که‌ ده‌ڵێن خه‌می خاکمانه‌ چونکه‌ ئه‌گه‌ر خه‌می خاکیانه‌ بۆ هه‌ر خۆیان و بنه‌ماڵه‌که‌یان حوکمی ئه‌م ولاته‌ بکه‌ن، ئه‌ی ئه‌م نه‌ته‌وه‌ که‌سێکی تیا نیه‌ چوار ڕۆژ سه‌رۆکی ئه‌م ولاته‌ بێت یان خۆیان له‌ هه‌موو شتێک به‌ گه‌وره‌تر ده‌زانن.