من و ئێمه و ئه‌وان
Saturday, 05/06/2010, 12:00
ئه‌وان:
ئه‌وان فێری چییان کردین، چ که‌لتورێکیان به‌که‌لتوور بۆکردین، چۆن ژیانی تاکی کوردیان تێکوپێك شکان، له‌سه‌رده‌می ئه‌واندا نه‌ك ته‌نها ماڵوێرانی و نه‌گبه‌تی بۆکورد ئاسایی بوون و مامۆستا و هونه‌رمه‌ند و شاعیر و زانستخوازو دکتۆرو هتد چه‌کردارکران، حیزبی کران، دابه‌شکران. له‌سه‌رده‌می ئه‌واندا زاتی تاک شکا و له‌گه‌ڵ خودی خۆی شه‌ڕی ده‌کرد.
کچ و ژنی شه‌هیدانیان کرده سۆزانی خۆیان، کچان پێش شوکردن په‌رده‌ی کچێنیان دڕا، خه‌ڵکی هۆشیاری ئه‌م ووڵاته‌ی من لای ئه‌وان هۆشیار نه‌بوون، قه‌ڵه‌م به‌ده‌ست، خوێندکاری زانکۆ، کاسپکار، کرێكار و هتد پیاوی دواڕۆژنه‌بوون، ئه‌مانه هیچی هیچ نه‌بوون، نه‌ك هه‌رهیچ نه‌بوون، سات له‌دوای ساتی ئه‌م هه‌موو ساڵه‌ی ڕابردووی حکومڕانی کوردی بێقیمه‌ت ده‌کران، دژایه‌تی ده‌کران و زه‌لیل ده‌کران. هه‌رچی په‌یوه‌ندی به هۆشیاریه‌وه بوبێت تیرۆر کراو و ته‌مه‌نی کورتکرا. پاره‌ی خه‌ڵك ئاو دیو کرا، نانی نانی خه‌ڵك قۆرخ کرا، به‌و شێوه‌ی پێویستیانه سوڕمان ئه‌ده‌نن، وه‌ك خۆیان سوکمان ئه‌که‌ن، ئه‌وان خۆیان(سوک) ن.
پیشه‌ی ئه‌وان
ئه‌وان بوون به هه‌مووشتێك، پێشه‌مه‌رگه‌نه‌بووه یه‌ك ڕۆژ، ئامر لیوایه ، هه‌زاران پێشمه‌رگه‌ی له‌به‌رده‌ستدایه، نازانێت وه‌رزشکردن چییه‌و سه‌رۆکی لیژنه‌ی ئۆلۆمپییه. ته‌نها مه‌سینه بردن و هێنان بۆ ئاغاکه‌ی پیشه‌ی بووه‌و گه‌وره‌ترین مه‌لعه‌بی پایته‌خته‌که‌م ناوی ئه‌وه.
خوێن ڕێژه و خه‌ڵك فێری تیرۆر ده‌کا، مافیا خۆیه‌تی و سه‌رپه‌رشتی دژه تیرۆر ده‌کا، پێ باشه وه‌زیری مافی مرۆڤ بێت و بۆئه‌وه‌ی ناوی بچێته کتێبی گێنسه‌وه. ده‌ڵێ له‌م به‌شه‌ی شه‌رقی ئه‌وسه‌تدا نابێت له‌سێداره‌ده‌ن بمێنێت، ئه‌م فیشه‌ك به‌ده‌ممانه‌وه ئه‌نێت و له مه‌مه‌له‌که‌تێکی تر فڕێمان ئه‌دات.
سیسته‌می شاخ، سیسته‌می که‌ره‌ج له‌شار به‌ڕێ ده‌که‌ن، بیر له‌خۆیان و منداڵیان زیاترنه‌بێت ناکه‌نه‌وه و میلله‌تیش ئیله‌ل جه‌هه‌نم. زۆر وه‌ڕسن له‌خۆیان و تا .....یان پیانه‌که‌یت .....یان ....، ئه‌وان (.....) ن.
کوڕو کچی ئه‌وان
مه‌کته‌ب و مامۆستا یه‌ك تاك كڵاشی خوار، که‌چی ئێستا خوێندکاری زانکۆیه ، دوو مانگ ده‌وامی نه‌کرد و له‌ده‌وره‌یه‌کی عه‌سکه‌ری چه‌ند ئه‌ستێره‌یه‌کی کرایه شان، هه‌رچه‌ند له مه‌کته‌ب فه‌سڵ نه‌کرا و ئێستا وا زانکۆ ته‌واو ده‌کات و چوارساڵیشه مو‌چه‌ی ئه‌ستێره‌کانی وه‌رده‌گرێت. وا به‌نیازه بیکه‌نه ئه‌ندامی سه‌رکردایه‌تی یان وه‌زیر، گه‌ر ئه‌وه‌ش نه‌کرا با به‌رێوه‌ربێت ، گرنگ نییه له کوێ بێت، پێی باشه پاره ، کچ و کوڕی جوان له‌کوێن ئه‌میش له‌وێ بێت.
خوا ڕه‌حم کا، کتێب و قه‌ڵه‌می نه‌دیوه و ئه‌ڵێ واز له‌مه‌کته‌ب نایه‌نم و ئێواران دوای ده‌وام ماسته‌رو دکتۆراکه‌م ته‌واو ده‌که‌م.
بێناموسی ده‌کات و کچی ئه‌م و ئه‌و له‌که‌دار ده‌کا، له‌گه‌ڵ چه‌ندین کوڕدا ڕاده‌بێری و ئه‌م فه‌قیره‌ش نه‌یهێنێ باوکی ئاگادار ده‌کا. حه‌فله‌که‌ی ئه‌و شازی لۆتی ده‌یکا، نیوه‌ڕۆ له‌خه‌و هه‌ڵده‌ستێ و ئێواره‌ش پاره‌ی میلله‌ت له‌گه‌ل قه....سه‌‌رف ده‌کا، فه‌حسیان بکه دکتۆر نیه چاکیان بکا. له‌گه‌ڵ قه‌حبه وه‌رده‌گه‌ڕێ ، جاده‌یه‌ك، په‌یکه‌ریك و ڕێکخراوێكی خێرخوازی به‌ناوی ئه‌و ئه‌کرێ، کوڕی ئه‌و نه‌بێت ئه‌مه بۆکێ ئه‌کرێ. قه....ه‌که که‌س بۆی نه‌گریا ، ئه‌م له‌و(قه....) تربوو، ئه‌م ئه‌و‌ی کرده قه‌حبه .
عه‌شایه‌رێکی بێشه‌ره‌ف
چه‌ند ساڵه مه‌سئول ده‌عوه‌ت ده‌کا، ئه‌م په‌ت و ئه‌و په‌ت ده‌کا. بێشه‌رمانه داوای دیوه‌خانانه ده‌کا، له‌‌شه‌ڕنانه‌وه زیاتر سوڵحێك ناکا. ڕووی حکومڕانی کورد ڕه‌شبێت، یاسا هه‌بێت ئه‌م چی ده‌کا. لای ئه‌م، له‌مه‌سئول زیاتر کێ ئه‌توانێ قاچ درێژ بکا، بخواته‌وه و خواردنی ماڵی ئه‌و قڕقێنه‌ی پێ بکا.
له‌ناو ئه‌م هه‌موو گه‌نجه خاوه‌ن شه‌هاده ته‌نها کوڕی خۆی پێشده‌خا، کوڕه‌که‌ی چه‌ندمانگێکی خوێندنی ماوه و داوای مدیر ناحیه‌یی بۆده‌کا!
زۆر پێ ی خۆشه کوڕی مه‌سئولێك داواکی کچی لێبکا، ده‌ڵێت قوربان کوڕه‌که‌ت ئێستا چی ده‌کا، تائێستا باسی ژن ناکا، چاوه‌ڕوانی واڵام ناکا، هاوار ئه‌کا، کچم وه‌ره مه‌زه نه‌ما، ئه‌و بتڵانه‌شی به‌تاڵن تۆنه‌بی کێ لایان با.
ئێمه
به‌ڵێ ئه‌وان وا ڕه‌فتاریان له‌گه‌ڵ کردین، ئێمه‌ش ده‌نگمان نه‌کرد و بۆمان کردن. ئێمه‌ی هیچی ئه‌وان، خه‌ون و ئاره‌زومان زوو له‌ناو برا، زینده‌به‌چاڵ کرا.
منداڵی و گه‌نجێتی ئێمه زوو تێپه‌ڕبوون، ڕه‌نجی چه‌ندین ساڵه‌ی بێده‌نگیمان به‌زیاد چوون، خۆمان له‌بیر نییه ، که‌سمان له بیر نییه .
ئێمه خه‌می ڕۆژێکی ترمانه ، بانگی ئه‌ڵاوو ئه‌کبه‌ری به‌یانیان ئه‌مان ترسێنێت و ده‌ی خوایه ئه‌مڕۆش کوڕی فڵانه مه‌سئول قسه‌م پێنه‌لێت و منێکی مرور، پۆلیس، دکتۆر، مامۆستا و کرێکار ده‌بێت ده‌سه‌ڵاتم چی بێت.
پاڕانه‌وه و سوجده بردن دادی نه‌داین، خوا پشتی لێکردین، بانگی ئه‌ڵاو ئه‌کبه‌ری ئێواره ترس و له‌رزمان لێ دێنێ. له‌باتی ئیسراحه‌ت و خه‌وتن تابه‌یانی به‌سه‌ره له‌گه‌ڵ ژنماندا، منداڵه‌کانمدا شه‌ونخونی ده‌گرین.
من
له‌م خه‌یاڵه قووڵانه‌دا، به‌ره‌و ماڵ ده‌ڕۆشتمه‌وه و هه‌رچی ژنی دراوسێیه سه‌یر ده‌کا، قاچم تێکه‌ڵه‌و پێکه‌ڵه ده‌کا، گوێم لێیه ئایشێ خان له‌گه‌ڵ کاکه حه‌مه تێر شه‌ڕده‌کا، هاوارده‌کا، ئه‌مه که‌ی پیاوه بۆ ناچێ ئێشێکی تریش بکا، پاره‌ی معاش خۆری به‌شی چیمان بکا.
حاجی سوێندی بۆخواردم، هه‌شتا ساڵم خیانه‌تم نه‌کردوه ، نه له ووڵات و میلله‌ت نه له خێزانه‌که‌م، کوڕه‌که‌م وه‌ك خۆم نوێژده‌کا، گه‌نجه‌و هاتوچۆی مزگه‌وت ده‌کا، ئێستاش دژه‌تیرۆر داوای ده‌کا، خوا پێم نه‌گرێ کچی فڵانه مه‌سئول له زانکۆیه‌و ئه‌ڵێن حه‌زی لێده‌کا.
مزگه‌وت قه‌ره‌باڵه‌خ، کچه‌که‌ی باجی ئایشێ خۆی ساتاندووه ، دوێنێش وابوو، کوڕی کاکه‌ریم خۆی کوشت. نه‌سرین خان له‌ماڵمان هاته‌ده‌ر، بۆلای دایکه نه‌خۆشه‌که‌م هاتبوو، ئه‌ویش زۆرنابێت میرده‌که‌ی جه‌ڵده کوشتی. خوشکم به‌خێرهاتنی کردمه‌وه ، قه‌یره‌یه و که‌س نایه بۆ داوای. منداڵه‌که‌م به‌شه‌له‌ش هات بۆلام و باوه‌شی پیاکردم، دایکی ڕیخۆڵه کوێره کوشتی.
من؟ من؟ خوایه‌گیان من چیم بۆ نام کوژی
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
