موراد قەرەیلان: كودەتایەك لە كوردستان بەرێوە دەچێت و ئێمەش بە هەڵوێستە ئاشتیخوازانەكانی خۆماندا دەچینەوە

Thursday, 28/01/2010, 12:00

سەرۆكی كۆنسەی بەرێوەبەری كەجەكە موراد قەرەیلان، ڕایگەیاند: توركیا بە پرۆسەیەكی زۆر گرنگدا، دەرباز دەبێت. قەرەیلان، سەرنجی ڕاكێشایە سەر گرنگی كۆنگرەی بەدەپە لە 1 مانگی شوباتی داهاتووداو ووتی: ئەوە پرۆسەیەكی مێژویە، بۆ لایەنە چەپ و دیموكراتەكان لە توركیا دەرفەتێكی گرنگە بۆ ئەوەی ئیرادەیەكی یەكگرتوو نیشان بدەن. قەرەیلان، لەبەر هەڵوێستی ڕوون و ئاشكرای لە دژی سیاسەتی قڕكردنی كوردان لەلایەن ئاكەپەوە، پشتیوانی لە شارەداری شاری گەورەی ئامەد ئۆسمان بایدەمیری كرد.
سەرۆكی كۆنسەی بەرێوەبەری كەجەكە موراد قەرەیلان، گرنگی بەستنی كۆنگرەی داهاتووی پارتی ئاشتی و دیموكراتی بەدەپەی هەڵسەنگاندو ووتی: تێكۆشانی ئازادی گەلی كورد بە پرۆسەیەكی گرنگ دەرباز دەبێت، زهنیەتی دەوڵەتی سەردەست، گۆڕەپانی سیاسی كوردانی كردۆتە ئامانج، لە پرۆسەیەكی وەهادا، بەستنی كۆنگرەی نائاسایی بەدەپە زۆر گرنگە، ئەو گۆنگرەیە دەتوانێت بۆ سیاسەتی ووڵاتپەروەری دیموكراسی هەڵوێستی خۆی بە شێوەیەكی ڕوون ئاشكرا، نیشان بدات، هەروەها بۆ پوچكردنەوەی سیاسەتی پاكتاوكارییش كۆنگرە دەتوانێت ڕۆڵێكی گرنگ بگێڕێت. قەرەیلان، ڕایگەیاند: ئەوان وەك پڕەنسیب، بە ڕێزەوە لە هەڵبژاردن و بڕیارە دیموكراتیەكان دەروانن‌ و خوازیارن بەدەپە ببێتە پارتێكی چەترئاسای سەرتاپای توركیا، وەك داخوازیەك و سیاسەتێكی ڕاستیش لە جێی خۆیدا دەیبینن. توركیا بە پرۆسەیەكی مێژوویی زۆر گرنگ و جدیدا، تێدەپەڕێت، ئەگەر لایەنە چەپ و دیموكراتەكان لە پرۆسەكەدا یەك نەگرن و نەتوانن ئیرادەیەكی هاوبەش بخنە ڕوو، ئەوا ناتوان لە ئێستاو داهاتوودا، هیچ شتێك پێشبخەن، بەڵام ئێستا ئەو دەرفەتە هەیە، بە دەرفەتی دیموكراتی و وڵاتپەروەری بەگەنە یەك، دەرفەتێكی جددییە، بۆچی ئەو دەرفەتە بەكار ناهێنن؟ لە ڕاستیدا، چ پاساوێك بۆ وەها هەڵوسێتێك نابینین، بەدەپە ئەو بابەتەی هێناوەتە ڕۆژڤەوە، بەوەش شتێكی باشی كردوە، ئەگەر بتوانن پێكەوە گفتوگۆی بكەن و پرۆسەیەكی هاوبەش بخەنە ڕوو، ئەوە زۆر باش دەبێت.
قەرەیلان، داوای لە چەپەكان و لیبراڵەكانی توركیا كرد، بەباشی سود لە دەرفتەكە وەرگرن، بە دروستكردنی سەكۆیەكی هاوبەش، نیشان دەدرێت كە توركیا بێ خاوەن نییە. لە بەشێكی دیكەی ئاخاوتنەكەیدا، قەرەیلان، ئاماژەیدا، بە گرنگی هەڵوێستی ڕوون و ئاشكرای ئۆسمان بایدەمیری شارەداری شارەوانی گەورەی ئامەد لە دژی سیاسەتی قڕكردنی كوردان لە لایەن ئاكەپەوە و گوتەكانی بایدەمیر كە ووتبووی: شێخ سەعید و سەید ڕەزا، ڕووبەڕووی خیانەت بوونەتەوە، بەڵام با ئەوانەی دوای ئەوان ڕووبەڕووی خیانەت نەبنەوە! وەك گووتەی بە واتا و گرنگ هەڵسەنگاند. لەوبارەوە قەرەیلان بەم شێوەیە درێژەی بە قسەكانیدا: ئێمە پشتگیری لەو ڕەخنانە ناكەین كە ئاراستەی شێوازی قسەكردنی بایدەمیر كرابوون، ئەو گوتنانە لە كاتێكی ئاسایی دا نەكراون، گەلی كورد ڕووبەڕووی ستەم و ناهەقیەكی گەورە بۆتەوە، لە بورای سیاسی دا، قڕكردنی لە سەر پەێرەو دەكرێت، دەبێت مرۆڤ كردەوەكانی دەوڵەتی توركیش ببینێت، ئەو دەوڵەتە، ئیرادەی گەلی كوردی كردۆتە ئامانج، مافەكانی پێشێل دەكات، پیشێلكاری ئەوتۆ ئەنجام دەدات كە سنوری دەستدرێژیش دەبەزێنن، بۆیە دەبێت سەرەتا ئەو ڕاستیانە ببینرێن و رەخنە بكرێن.
موراد قەرەیلان سەرنجیسی ڕاكێشایە سەركاری ئاكەپە كە پیشەنگی سیاسەتی قڕكردنی دەكات لە رۆژهەڵاتی ناوەڕاست دا. قەرەیلان، ڕەخنەی لە ئێران و سوریاش گرت، لەبەر ئەوەی كە سیاسەتی هاوشێوەی توركیا لە دژی كوردان بەرێوە دەبەن و ئاماژەی بە هەوڵەكانی ئاشتیانەی بزوتنەوەی ئازادی گەلی كورد كردو ووتی: ئاكەپە بە گوێرەی ئەو ڕۆڵەی پێی دراوە لە چوارچێوەی بەسەرخستنی سیاسەتی ئیسلامی نەرمونیان، پەنا بۆ هەموو رێبازێك دەبات. سەرۆكی كۆنسەی بەرێوەبەری كەجەكە موراد قەرەیلان رایگەیاند كە تێكۆشانی بزووتنەوەی ئازادی كورد لە هەموو پارچەكانی كوردستان دەوڵەتە سەردەستەكانی كوردستانی خستوتە نێو ترس ولەرزەوە.
بۆیە دەوڵەتانی توركیا، ئێران و سووریا هاوكاری یەكتر دەكەن. دەربارەی هاوسەنگی هەرێمی رۆژهەڵاتی ناوەراستیش قەرەیلان گوتی: ئامانجێكی سەرەكی شەڕ و پێكادانەكانی ئەمڕۆ لە ئەفغانستان، گەمارۆدانی ئێرانە، بەشێكی دیكەی نەخشەكە ئەوەیە كە رۆلی توركیا لە ئێراق بێنەوە پیشەوە، بەڵام ئامانج لەوهەنگاوە ئەوەیە كە بە رێگای ئیراقەوە سیاسەتی تەنگ بە ئێران هەڵچنن، بۆ ئەو مەبەستە رۆلێكی تایبەتیان بە ئاكەپە داوە، بە رێگای ئاكەپە دەیانەوێ هەرێمی رۆژهەڵاتی ناوین لە ئیسلامێتی رادیكاڵەوە بەرەو ئیسلامەتی نەرم ونیان ببرێت، بۆیە حكومەتی ئاكەپە جاربەجار هەڵوێستی توند بەرانبەر بە ئیسرائیل دەنوێنێت، هەڵوێستی توندی ئەردوغان لە داڤۆسیش بۆ هەمان هۆ دەگەرێتەوە. قەرەیلان ئەوەی بەبیر خستەوە كە ئاكەپە جاربەجار پەیامی گەرمی دۆستانە ئاراستەی ئێران دەكات، بەڵام خاڵی هاوبەشی نێوان وڵاتانی هەرێمەكە دژایەتی كردنی بزووتنەوەی ئازادی گەلی كوردە.
دەربارەی لەسێدارانی كوردان لەلایەن ئێرانەوە، بەم شێوەیە هەڵسەنگاند: ئێران گەلی كوردی كردووە بە ئامانج، ئەوەش سیاسەتێكی هەڵەیە، بە تایبەتی ئەو توندوتیژیەی كە بەرامبەر بە پەژاك پەیرەوی دەكات، پەژاك پرسی كورد وەكو پرسێكی هەرێمی دەبینێت، پشت بە هیچ هێزێكی دەرەكی نەبەستووە، پەنابردنە بەر توندوتیژی بەرامبەر بە رێكخستنێكی لەو جۆرە، سەرئەنجامی پیادەكردنی سیاسەتێكی هەڵەیە. كورد دەیەوێ بە شێوەیەكی ئاشتیانە پرسەكەی لە گەل ئێراندا چارەسەر بكات، دەوڵەتی ئێرانیش پێویستە كوردان رەت نەكاتەوە، ئەگەر درێژە بە سیاسەتی ئێستای بدات، ئەوا كوردیش ناچار دەبن لە دژی ئێران پەنا بۆ رێبازی توند ببەن و كاردانەوەیەكی دژوار نیشان بدەن.
قەرەیلان دەربارەی لە سێدارەدانی ولاتپەروەری كورد فەسیح یاسەمەنی لەلایەن ئێرانەوە بەم شێوەیە دوا: لە دەستدانی كەسێكی سەربەزری وەكو یاسەمەنیی زیانێكی گەورەیە بۆ تێكۆشانی ئازادی رۆژهەڵاتی كوردستان، ئەگەر خۆبەدەستەوەدانی قەبوول بكردایە، نەك تەنیا لە سێدارە نەدەدرا، بەڵكو سەربەست دەكرا؛ بەڵام ئەو سوور بوو لە هێڵی خۆی و هەڵوێستێكی شەرەفمەندانەی نواند، یاسەمەنی نەك رێگای خۆبەدەستەوەدان، بەڵكو لەسێدارەی هەڵبژارد. ئەم هەلوێستەش هەلوێستێكی گرنگە، یاسەمەنی پێداگیری لە سەر بیروبرواییەكەی دەكات، ئەمەش هەلوێستێكی مرۆڤەكانی بەنرخن. فەسیح یاسەمەنی بە پێی دروشمی خۆبەدەستەوەدان خیانەتكاریەو بەرخۆدان سەركەتنە هەڵسوكەوتی كردووەو بە سەربەرزانە گەیشتە كاروانی شەهیدانی كوردستان، ئەم هەڵوێستە بۆ گەلی كوردو بۆ دەوڵەتی ئێرانیش پەیامی گرنگ لەخۆی دەگرێ، یاسەمەنی پیامێكی وای ئاراستەی ئێران كرد كە نابێت بە شێوەیەكی وا سادەو ساكار هەڵسوكەوت لەگەڵ كۆمەلگای كوردیدا بكات، هاوكات بە بزووتنەوەی ئازادی گەلی كوردیشی راگەیاند كە چۆن هەڵسوكەوت بكات. قەرەیلان ئاماژەی بەوە كرد كە سیاسەتی گوشارو لە سێدارەی ئێران كە دژ بە كوردان پەیرەوی دەكات، لە دژی بەرژەوەندیەكانی ئێرانیشەو بانگێكی لەو جۆرەش لە دەوڵەتە پەیوەندیدارەكانی كرد: پرسی كورد پرسێكی هەرێمیە، پێویستە ئەو راستیە لەبەرچاو بگیرێت. ئێمە جارێكی دیكە بانگ لە كاربەدەستانی دەوڵەتانی پەیوەندیدار دەكەین با دەست لە سیاسەتی توندوتیژی بەردەن‌. بە گوشار، توندوتیژی، لە سێدارەدان، توقاندن ناتوانن ئامانجیان بپێكن. با رێبازی ئاشتیانە بۆ چارەسەری پرسەكە بەبنەما بگرن، با گوێبیستی داخوازی و بانگەوازیەكانی گەلی كورد بن، دان بە ئیرادەكەیدا بنێن، بۆیە جارێكی دیكە بانگی دەوڵەتانی پەیوەندیدار دەكەین كە پرسی كورد بە ئاشتی چارەسەر بكەن. سەرۆكی كۆنسەی بەرێوەبەری كۆماجڤاكێن كوردستان موراد قەرەیلان لە لێدوانێكدا بۆ ئاژانسی هەوالی فورات رایگەیاند: بە ئەنجامدانی ئۆپراسیۆن لە دژی سیاسەتی یاسایی و رەوای كوردان، حكومەتی ئاكەپەو دەوڵەتی تورك هەڵەی هەرە گەورە دەكەن.
قەرەیلان لە لێدوانەكەیدا ئاماژەی بەوە كرد كە ئاكەپە لە دوای هەلبژاردنە هەرێمیەكانی 29ی مانگی ئاداری رابردوو لە ژێر پەردەی كرانەوەدا چەمكی پاكتاوكاری بەرێوە دەبات. لە چوارچێوەی ئەو نەخشەیەدا سەرەتا هێرشیان كردە سەر رێبەری گەلی كورد عەبدوڵَڵائۆجەلان و دواتر كودەتایان بەسەر سیاسەتی دیمۆكراتی كورداندا كرد. قەرەیلان لە درێژەی قسەكانیدا گووتی: بۆ ئەوەی لەو كۆنسەپتەدا سەركەوتن بەدەست بێنن، پێویستە پێش هەموو شتێك رێبەر ئاپۆ بێكاریگەر بكەن، بۆیە شوێنیان پێگۆڕی و خستیانە نێوچاڵی مردنەوە، لە راستیدا ئەوان دەیانزانی كە رێبەر ئاپۆ گرفتی هەیە لە قورگ و هەناسەكێشانیدا، وێرای ئەمەش شوێنێكیان دروست كرد كە بەچاڵی مردن دەچێت هەیەو بۆ ئەوێ گوازرایەوە، ئەمەش رێبازێكی زۆر ناشیرینی ئەشكەنجەیە، بەڵام بە هۆی خاوەندارێتی وگوشاری گەلەكەمان ناچاربوون هەنگاو بۆ دواوە بنێنن و پەنجەرەیەكی بۆ بكەنەوە، بەڵام ئەشكەنجەو گوشەگیری رێبەرمان بەردەوامە، ئامانجی سەرەكیان ئەوەیە كە رێبەر ئاپۆ بێكاریگەر بكەن و ئەنجام بەدەست بێنن.
قەرەیلان ئاماژەشی بەوە كرد كە رۆژی 13ی مانگی نیسانی رابردوو ئاگربەسێكی یەكلایانەیان راگەیاند، بەرامبەر بەوە دەوڵەتی تورك رۆژی 14ی هەمان مانگ سیاسەتمەدارنی كوردی كردە ئامانجی خۆی و هەنگاو بە هەنگاو قڕكردنی سیاسییان گرتەبەر. ئەمەو لە ئەنجامی ئۆپراسیۆنە سەربازیەكانی ئەرتەشی توركدا 94گەریلا گیانیان لەدەست داوە. قەرەیلان ووتی: بۆ ئەوەی كوردان بێ ئیرادە بكەن، خۆبەدەستەوە بدەن، زەمینەی سیاسی گونجاو نەرەخسێندرێ و كوردانی هاوكاری دەوڵەت بخوڵقێنن، سیاسەتی زۆر چەپەڵ بەرێوە دەبەن، تێكۆشانی سیاسی و دیمۆكراتی كوردان گەیشتووتە ئاستێكی بەرچاو بووە بە ئیرادەیەك، ئامانجی ئێستایان ئەوەیە كە ئەو ئیرادەیە تێكبشكێنن، بۆیە لەباربەردن‌ پلانی پاكتاوكردنی زەمینەی سیاسی بەرێوەی دەبەن، پێش ئێستا ئۆپراسیۆنەكان لەدژی گەریلا بەرێوە دەبران، ئێستا نەك تەنیا لە دژی گەریلا؛ بەڵكو لە دژی هەموو ئەو كوردانە ئەنجام دەدەن كە لایەنگری ئازادین. شەپۆلی دەستگیر كردن لە 13ی مانگی نیسانی رابردووەوە لە دژی سیاسەتی دیمۆكراتی كوردان دەستی پێكردووە، كەس ناتوانێ بڵێت كە ئەو كارە لە دەرەوەی دەستپێشخەری ئاكەپەوە كراوە، ئەو دەزگایانەی ئۆپراسیۆنەكان رێك دەخەن و بەرێوەیان دەبەن دیارن و لە لایەن سەرۆك وەزیران ئەردۆغان و حكومەتی ئاكەپە ئەركدار كراون، شەرێك لە دژی گەلی كورد راگەیەندراوە، ئێمە ئاشتیمان راگەیاندو چاوەروانی هەنگاوێكی ئەرێنی بووین، لە پای ئەمە نەك تەنیا سیاسەتی شەڕێكی هەمەلایەنە لە دژی ئێمە دەستی پێكرد، بەڵام سەرجەم كوردانی ولاتپارێزو دەوروبەرە دیمۆكراتیەكانی گرتەوە كە تا ئێستا ژمارەی سیاسەتمەدارانی كورد كە لەماوەی هەفتەیەكدا گیراون گەیشتە نزیكەی 200كەس، بەمەش سنووری دان بەخودانی گەلی كورد بەزێندراو هەڵوێستی حكومەت و دەوڵەتیش بە روونی ئاشكرا بوو.
قەرەیلان ئاماژەی بەوە كرد كە ئاكەپە بە تایبەتی لە شارەكانی باتمان، شرناخ، وان و ئیدر بە نیازە پەرە بە رێكخستنەكانی بدات و گووتی : بە هەڵمەتی گرتن و توقاندن ئاكەپە دەیەوێ چەند ئامانجێكی تایبەتی بپێكێ، ئاشكرایە بە گرتنەبەری توندوتیژی و گوشار دەیەوێت ئامانجە سیاسیەكان بەدەست بخات، گەلۆ ماف، یاسا، ویژدان و دادوەری لە كوێن؟ ئەمەیە دیمۆكراتی؟! گەلۆ دیمۆكراتی بە قامجی پۆلیس و پۆستاڵێ سەربازان جێبەجێ دەكرێت؟! هێرشەكانی ئەم دواییەی شاری ئیدر زۆر گرنگن، ئاكەپە نەخشەی بۆ كێشاوەو و هێزەكانی ژاندرمەی بۆ ئامادەكردووە، ئەمەش رێبازێكی دیكەی سەرنجراكێشمان پێشان دەدات، ئەوانەی پێش ئیدر گیراون هەموویان بە ئەندامێتی كەجەكە تاوانبار كراون، بەڵام ئەوانەی لە ئیدر گیراون بە ئەندامێتی پەكەكە تاوانبار دەكرێن، ئەمەش درۆودەلەسەیەكە كە لە راستیەوە دوورە. موراد قەرەیلان رایگەیاند كە دەوڵەتی تورك و حكومەتی ئاكەپە هەڵەی مێژوویی دەكەن و ئەردوغانی بەوە وشیار كردەوە كە سیاسەتەكەی دەبێتە هۆی تێكۆچوونی حكومەتەكەی. گوتیشی: هەفتەی داهاتوو هەلوێستی رەسمی خۆیان لەو بارەیەوە بۆ رای گشتی رادەگەیەنێن. قەرەیلان سەرنجی بۆ ئەو گەمەو یاریانە راكێشا كە بەرامبەر بە شارەداری ئامەد ئۆسمان بایدەمیرو گووتی: ئیدی بەسە بۆ سیاسەتی چەپەڵی دەوڵەتی تورك، من لەو بوارەدا بە تایبەتی سەرۆكی حكومەت وشیار دەكەمەوەو بەم شێوەیە درێژە بە قسەكانیدا: لە راستیدا كردەوەكانی دەوڵەتی تورك لە دژی ئیرادەی سیاسی گەلەكەمان نیازی راستەقینەی حكومەتی ئاكەپە دەخاتە بەرچاوان، پێش ئێستا هەرێمی باری نائاسایی و سەر-والی یان سوپەروالی هەبوون، ئێستاش سەر راوێژكار دێننە گۆڕێ، بە واتایەكی دیكە ئەوە رەوشەی كە ئەورۆ تێكەوتوونە لە هی رابردوو گەلێك خراپترە. ‌قەرەیلان ئاماژەی بەوەكرد كە ئاكەپە ئەمرۆ زمان و رێبازێكی جیاواز بەكار دێنێ، بەڵام هەوڵ دەدات كە هەمان سیاسەت پیادە بكات و بەم شێوەیە درێژەی بە قسەكانی دا: بەر لە ئێستا سەرۆك وەزیری پێشووتر تانسو چێلەریش پێداگیری لە سەر هەمان رێباز دەكرد، حكومەكاتی دیكەی توركیاش ئەو رێبازەیان تاقی كردەوە، بەڵام هیچ ئەنجامێكیان بەدەست نەخست، بە گرتنەبەری سیاسەتی پاكتاوكردن پرسەكان چارەسەر ناكرێن، ئەگەر پێداگیری بكەن خۆیان پاكتاو دەبن. قەرەیلان لەبەشێكی دیكەی لێدوانەكەیدا باس لە نەخشەی كودەتایەك دەكات كە بۆ دەزگاكانی راگەیاندنی تورك رەوانە كراوەو گوتی: باس لە نەخشەی كودەتایەك دەكرێ كە لەسالی 2003 ئامادە كراوە دەیانەوێ جارێكی دیكە ئەو نەخشەیە بخەنە رۆژڤەوە، بەڵام هاوكات ئەو نەخشەیە لە كوردستان بەكردەیی جێبەجێ كەن، هەندێ نووسەری جوامێر دركیان بەمە كردووەو لە نووسینەكانیان ئاماژەیان پێكردووە نەك تەنیا ئێمە دەڵێین كە ئەو گرتنانەی ئێستا لە كوردستان بەرێوە دەچن لە هیچ سەردەمێكدا بەو شێوە دژوارە پێكنەهاتووە، جگە لە سەردەمی كودەتای فاشستیانەی 12ی ئەیلولی سالی 1980 پەنا بۆ هەلمەتێكی لەو جۆرە براوە، لە هیچ سەردەمێكی دیكەدا ئەوەندە سیاسەتمەدارانی كورد نەگیراون؟ لە بنەڕەتدا ئەو رێبازە هەمان رێبازی كودەتاچێە فاشستەكانە .ئێستا ‌لە كوردستان سیاسەتی سەربازیانەی كودەتاكە بەرێوە دەچێت، گەلۆ گرتن و كەلەپچەكردنی ئەوەندە كەسانی بژاردە لە كوێ كراوە؟ ئەمە جەورو زولمَێكی مەزنە كە لە سەر گەلی كورد بەرێوە دەبرێ. ئەمە سووكایەتیكردن و هێرشەكردنە بۆ سەر ئیرادەی ئەو گەلە، بەڵام هەوڵی ئەوە دەدەن كە ئەو جۆرە رووداوانە تا بتوانن پەردەپووشیان بكەن، ئەگەر نا وەكو رووداوی ئاسایی نیشانیان بدەن. بینراوە؟ ئەڵبەتە گەلی كورد لە دژی ئەو هێرشە هیچ هەنگاو بۆ دواوە نانێت. بێگۆمان گەلی كوردو بزووتنەوە ئازادیخوازیەكەی لە ئاست ئەو دۆخە بێدەنگ نابن، ئەوەی بەسەرمان دەسەپێندرێ، بێ شەرەفی، ئابروچوون و بێشەرمیە. بۆیە بە هیچ شێوەیەك ئامادە نین پەسەندی بكەین. لە كام وڵات ئەوەندە شارەدار بە بیانووی وا پڕوپووچ گیراون؟ حكومەتی ئاكەپە بەو كردەوانە هەڵەیەكی هەرە گەورە دەكات، كە دەكاتە هەڵەیەكی هەرە مەزنی دەوڵەتی تورك. كورد جاری یەكەمە لە مێژووی خۆیدا كە دەیەوێ گوڕ بە خەباتی دیمۆكراتی بدات و ئێوەش بە شێوەیەكی راستەوخۆ ئەو خەباتە بكەنە ئامانجی هێرشەكانتان.
قەرەیلان حكومەتی پارتی دادوگەشەپێدانی بە زمانێكی توند رخنە كردو رایگەیاند كە ئەوان هەلوێستی خۆیان لەو‌ رووەوە لە هەفتەی داهاتوودا بە شیوەكی رەسمی رادەگەیەنن. قەرەیلان لە بەردەوامی قسەكانیدا گوتی: جدیەتی دۆخەكە روون و ئاشكرایە، وا پێدەچێت كە هەوڵە ئاشتیخوازەكانمان، كاریگەریان نەبووەو‌ لایەنی بەرابەر وەكو پێویست وڵامیان نەداوەتەوە، ئێمە لە چوارچێوەی شیكردنەوەی سەرجەم پرۆسەكە هەموو ئەو خالانەی ئاماژە پێكراوە هەڵدەسەنگێنینەوە. ئێمە وەكو بزووتنەوە ئەنجامەكانی ئەو هەلسەنگاندنە هەفتەی داهاتوو بۆ گەلی كوردو رای گشتی رادەگەیەنین.