سەنگەر گواستنەوە لە پێناو بەرژەوەندی تایبەتیدایە، ئەوکەسانەی سەنگەر دەگوازنەوە لە پێناو پاراستنی بەرژەوەندییەکانی خۆیانە، یان کاتێک دەستیان ناگاتە ئەو پۆستەی هەوڵی بۆ دەدەن و چاویان لێیەتی یان کەتێک خۆیان بەراورد دەکەن بەهاوڕێکانیان و خۆیان بە مافخوراو و ستەملێکراو دەبینن با هۆکارەکان خودیش بن ئیتر گۆڕینی بیر و بڕوایان وەک گۆڕینی جوتە پێڵاوەکانیان سەیردەکەن و زۆر بە ئاسانی و شانازییەوە واز لە بیر و ئایدیا و مێژو و خەباتی چەند ساڵەی خۆیان دەهێنن سەنگەر دەگوازنەوە ناو ماڵی نەیارەکانیان. جا وەنەبێت ئەولایەنەش کە کاکم سەنگەری بۆ گواستۆتەوە متمانەی تەواوی پێبکات، چونکە ئەوە مامەڵەی کڕین و فرۆشتنە و ئەو لایەنە دەزانێت تەنیا لەڕوی ڕاگەیاندن و دەنگدانەوە سود لەو دەبینێت و ناحەزێک کەمدەکاتەوە، بەڵام با ئەوە باش بزانن ئەو کەسانە لەهەر پلەوپۆستێکدابن لەلایەن یار و نەیاریانەوە بە چاوێکی کەمترەوە سەیردەکرێن.

 ئەم سنگەر گواستنەوەنییە" بەڵکوو پرۆسەی بەرژەوەندی گواستنەوەیە زۆرجار لەپێش وادەی هەڵبژاردنەکاندا ئەنجام دەدرێت، یان ڕاگەیاندنەکەی دوا دەخرێت بۆ کاتێکى گونجاوو، ئەویش لایەنى کڕیار دیارى دەکات.