كوردستان هه‌تا که نگی !
Monday, 13/01/2014, 12:00
سلاڤێن گه‌رم بو خانده‌ڤا‌نێن هێژا..
پترژ50 روژ ده‌ربازبون وهه‌تا نوكه كارمه‌ندێن هێزێن پێشمه‌رگێ وهێزێن ئاسایشێ بێ موچه‌نه , و ئه‌م همی دزانین پترژ 85% ژڤان كارمه‌ندان ئه‌ون یێن گلك پێتڤی ب موچێن خونه ژبه‌ر پتریا وان دخانیێن كرێ ڤه‌نه و خودان ژن و زاروكن و هه‌روه‌سا پێتڤی ب خه‌رجكرنا روزانه‌هه‌نه .
سه‌رسورما مه ژ ڤێ گیروبونا نه‌دیار بو موچێن ڤان كارمه‌ندان كو دهینه هژمارتن ژ پاراستیێن هه‌رێما كوردستانێ ژهه‌ره‌شێن ده‌ره‌كی ئه‌ڤێن بسه‌رێ پارێزگه‌هێن دی یێن عیراقێ دهێن.
ئه‌م نزانین ئه‌رێ به‌رپرسێن هه‌رێما كوردستانێ دێ شێن خو بگرن بو ماوێ 50 روژا یانژی 40 روژا بێ موچه بن !! بتایبه‌تی وان نوكه موجه یت هه‌ین كو تێرا وان و زاروك و كه‌س و كارێت وان دكن و هه‌ر كه‌سه‌ك دی ژی بن ده‌ستێ وان شول دكت .
ئه‌و تشتێن بسه‌رێ كوردستانێ دهێن ناهێنه وه‌سف كرن و خوناگرن و بو ڤه‌گوهاستنا ڤان كێشا بشێوه‌كێ دیار و راست، كوردستان یا بویه هه‌رێمه‌كا بێ خودان, هنده‌ك كه‌س هه‌نه دێ بێژن كو سه‌روكێ هه‌رێمێ (مه‌سعود بارزانی) ئه‌وه به‌رپرس و خودانێ مه به‌لێ به‌داخه‌وه ئه‌ڤ كه‌سه ڤان همی تشتا دزانت و ئاكه‌ه لێ هه‌یه به‌لێ مه هیچ رونكرنه‌ك ژێ نه‌دیتیه ژ بو ئه‌گه‌را ڤێ كێشێ و گیروكرنا مافێ وان كه‌سا ئه‌ڤێن پاراستنا مه دكه‌ن به‌ری پاراستنا خو بكه‌ن!!
خوزكه‌ه كێشێن مه به‌س لسه‌ر موچێ بن , گلك و گلك كێشێن دی هه‌نه كو ئه‌م گه‌هشتینه سالا 2014 و هێشتا نه‌هاتینه چاره‌سه‌ركرن وه‌ك كێشا چونا كاره‌بێ و بێ زانینا ئه‌ه‌را تا نوكه وئیكه ژ نه‌خوشترین كێشێن مه !
وئه‌گه‌ر ئه‌ڤ تێك چونه ژئه‌گه‌را زیده داخازكرنا كاره‌بێ یه ؟ ئه‌رێ به‌رپرسێن سه‌رهێزێن كاره‌بێ لهه‌رێما كوردستانێ لكیڤه بون ! ئه‌رێ چێدبیت هه‌رێمه‌ك وه‌ك هه‌رێما كوردستانێ كه‌س نه‌بیت خودان هزروبیرێن پێشكه‌فتی و خودان شیان بن وبشێن بشێوه‌كێ باش بێتڤیێن كاره‌بێ پلان كه‌ن و بده‌ست بینن ! ئه‌رێ چێدبیت هه‌رێمامه بكه‌هیته ڤئ ئاستێ گه‌نده‌لیێ ژ لایێ وان كه‌سا ئه‌ڤێ هه‌رێمێ برێڤە دبن ! ئه‌رێ ئه‌ندامێن به‌رله‌مانێ و به‌رپرس لكیڤه‌نه ؟ بوچ گوه لكێشێن ملله‌تی نینن و هه‌ول ناده‌ن جاره‌سه‌ربكه‌ن و ئه‌و خوشیا ئه‌و تیدا دژین ملله‌تێ وان ژی تێدا بژیت ! ئه‌و باش دزانن ئه‌ڤ ژیانا خوش تێدا دژین ملله‌تی وان گه‌هانده ڤێ ئاستێ و به‌ری نوكه ئه‌و ژی وه‌ك مه بون و ئه‌ڤ نه‌خوشیه دیتینه و ژیاینه !!
به‌لێ ئه‌ز دبێژم ئه‌م ملله‌تێ كورد شایه‌ن ڤان همی كێشاینه چونكو ئه‌م بێده‌نگین و ئه‌م لسه‌رخو نارابین كا چاوا بارا پتر ژملله‌تێن جیهانێ لسه‌ر خورابوینه و داخازا مافێن خو دكه‌ن
ئه‌ز وشێن دیماهیێ بو--- دنڤیسم كو ڤێ كێشێ زیده‌تر گیرو نه‌كن لسه‌ر هێزێن پێشمه‌ركێ و ئاسایشێ .
و ئه‌كه‌ر هین دبێژن ولاتێ عیراقێ موچێ دابین ناكت بو كارمه‌ندان ژئه‌كه‌را ئه‌و نه‌بشێوه‌كێ ره‌سمی ژ وه‌لاتینه ؟ئه‌رێ پا كا ئه‌و همی پارێن نه‌فتا كوردستانێ بوچی ریژه‌كێ ژێ نابرن و بكه‌نه موچه بو ڤان كارمه‌ندان؟
بلا ئه‌م راستگو بین بوچی هێزا پێشمه‌رگێ به‌شه‌ك ژوه‌لاتێ عیراقێ نینه ؟
ئه‌و چ ئه‌گه‌ره ناهێلیت هێزێن پێشمه‌ركێ به‌شه‌ك ژ به‌غدا بیت و چ مه‌ترسی تێدایه ؟
چونكو همی كه‌س دزانن ئه‌ڤه نه ژ په‌رژه‌وه‌ندیا ولاتێن ده‌وروبه‌ر و اسرائیل و امریكادایه كو عیراق سوبایه‌كێ بهێز هه‌بیت چونكو ئه‌فه دبیته هه‌ره‌شه بوان , و چ جارا عیراق سوبایه‌ك بهێز نابیت كو به‌رگریێ ژ وه‌لاتێ خو و اخا خو بكه‌ت هه‌ر ژ زاخو تا فاو و ئه‌م همی ڤی تشتێ باش دزانین ڤێجا بلا به‌س بیت هه‌ر كه‌س ژبه‌ر په‌رژه‌وه‌ندییا خو ولاتێ خو و اخا خو بفروشیت.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
