لە فەرهەنگی سیاسیدا وشەیەک نییە بۆ پێناسەکردنی رێکخراوی سیاسیی، کە بەو  مانایەی  لە کوردستاندا بوونی هەیە، کە  پێناسەی رێکخراوی سیاسیی، ئەو رێکخستنە دەگرێتەوە کە کۆمەڵێک کەسانی وڵاتپاریز و دڵسۆزی خەڵک و خاک لە ناو بیروباوەڕ و ئایدۆلۆژیایەکدا کۆدەکاتەوە، خەبات بۆ بەدیهێنانی ئامانجەکانی دەکەن، کە لە خزمەتی خەڵک و نیشتیماندا بێت، مێژووی ئەو قوربانیانەی کە ئەو رێکخراوە دەینووسێتەوە، هەروەها ئەوانەی خۆیان لە پێناوییدا بە کوشت ددەدەن، دەتوانین بڵیین بەمە دەگوترێت رێکخراو، یان حیزب.

ئەوەی ئەمڕۆ لە کوردستان هەیە، هەموو ئەو تایبەتمەندییەی سەرەوە دەسڕێتەوە، هەرچەندە مێژووی رابردووشی ناتوانێت پێمان بڵێت ئەمە رێکخراوی سیاسییە دەبێت، بەتیابەتی لە چاوی سەرانی ئەو رێکخراوانەوە تێی بڕوانین، بەڵکو بۆ ئەمڕۆ پێی دەگوترێت کۆمپانیا، چونکە بیروباوەڕ تێیدا ونە و رۆڵی کەسایەتییەکان بۆ خزمەتی کۆمەڵگا تێیدا نییە، جگە لە بەرژەوەندی خۆیان وەکو خاوەنی و کارمەندی ناو هەموو  کۆمپانیایەک، ئەگەر بەو شیوەیەی کە لە رابردوودا  قسەی لەسەر دەکرا، هەموو تایبەتەمەندییەکان دەسڕێتەوە. بۆیە ئەمڕۆش نووسەر و قەڵەمفرۆشەکان داهێنایان کردووە، ئەمەی  کە هەیە، پاساوی جوانیان بۆ هێناوەتەوە بەوەی مژدەمان دەدەنێت، بەو پرسیارە دەست پێدەکەن، کە نەوەی ئەو سەرکردە دیکتاتۆرانە دەتوانن چی بکەن؟ کە ناویان ناون  کوڕانی شار و باوانیشیان کوڕان یان پیاوانی شاخ؟!
(لەو ڤیدیۆیەدا بڕوانە نووسینی ئەو قەڵەمفرۆشە کە چی دەڵێت):

ئەگەر لە  لایەکی تر بێینەوە سەر پێناسەکردنی رێکخراو ئەوا داتاشینی ئەم دوو ووشەیە جگە لەهەڵخەڵەتاندنی ئەندامانی پارتەکان خۆیان نەبێت هیچ مانایەکی تری نییە.

حیزب کە لە خۆیدا دەزگایەکی کاتیە بۆ گەیشتن بەئامانجە ترۆپکەکە هەرکاتێک بەرژوەندی خەڵکی هەژار و بەشمەینەت هاتەدی ئیتر حیزب دەبێتە وەسیلە نەک ئامانج یان دەبێت خۆی هەڵوەشێنێتەوە یاخود خۆی ڕابهێنێت لەگەڵ هەلومەرجی قۆناغە نوێیە دوور لە بۆچوونی قەڵەمفرۆشەکان.

گەر هەڵە نەبم ساڵی ١٩٨٣ بوو تاڵەبانی لە گردبوونەوەیەکی هێزی پێشمەرگەدا پڕ بەگەرووی   لە ووتارێکی حەماسیدا هاواری دەکرد خێلی بنەماڵەی بارزانی خائین (وەرەمی سەرەتانین لەبزووتنەوەی کوردایەتیدا) کۆی پێشمەرگەکان خواخوایان بوو دەقەیەک تالەبانی ووتارەکەی کۆتایی پێبهێنێت تا بچن ئەو وەرەمە بتەقێنن.

ئەم خیتابە سیاسیەی جەلال تالەبانی  بەجۆرێک ڕۆچۆبۆوە ناو هێزی پێشمەرگەی یەکێتی سەرپشک کرابووین کاتێک تەنها یەک فیشەکمان پێمابێت گەر سەربازێکی سوپای بەعسی  و چەکداریکی قیادەی موەقەتە لەبەرمبەرمان بن دەبێت لە پێشدا کەللەی چەکدارەکەی قیادە مۆقەتەی پێ بتەقێین، نەک سەربازەکە عێراقییەکە، بەهۆکاری ئەوەی مێشکی چەکدارەکەی سەر بەبنەماڵەی بارزانی وەرەمی سەرەتانیین،  بەلام سەربازەکەی سەرانی بەعس وەک شەهید دەیخەنە سەر خەرمانی خەباتی حیزب.

ستراتیژی ئەوەی ناوی لێنرابوو شۆڕشی نوێ دوای ئاشبەتاڵی بنەماڵەی بارزانی بنیاتنانی خەتێکی شۆڕشگێڕی نوێخوازی بوو دژی خەتی خێڵەکی کلاسیکی بنەماڵەی بارزانی کە بەناوی بزووتنەوەی کوردایەتیەوە ئەوەی خۆیان بیانەوێت ئەنجامی دەدەن کاتێک بەرژەوەندی بنەماڵەکەیان بکەوێتە مەترسیەوە هەمووگەل دەکەنە قوربانی وەک لەئاشبەتاڵی ساڵی ١٩٧٥ گەلی کورد لەباشووردا بینیمان.

مخابن هەموو ئەوگەنجە یاخیە ئازایانەی چەکی پێشمەرگایەتیان لەشانکرد دوای ئاشبەتاڵ بەوە خەڵەتێنران ستراتیژی شۆرش ئازادەکەن لەخاوەنداریتی خێڵ وکردنی بەموڵکی گەل کەهەهەمووی درۆیەکی قەبەی سەرانی بێفەڕی شاخ بوو.

ئێستاش دووبارەبوونەوەی هەمان مێژووە کوڕە چوختیەکانی بنەماڵەی تالەبانی ئەوەی باوکیان وەک تاکتیک بۆبەکوشتدانی ئێمەی گەنجی یاخی بەرەوشاخیان بردین هەمان گەمە لەسە ئەوگەنجانە تاقیدەکەنەوە لەژێر ناونیشانی ( یەکێتی دەکەینەوە بەیەکێتیەکەی جاران).