گەندەڵی بە مۆدیلی كوردستانی نوێ

Friday, 20/04/2012, 12:00

 

بوونی دەوڵەتی قانون یان دانانی قانون بۆ هەر دامەزراوەیەك سیستمی سیاسیی دیموكراتی ‏‏لەسەر بنیاد ئەنرێت، هەر كاتێ ئەم مەسەلە گرنگە كەوتە مەترسیەوە ئەوا ئەبێ نیشانەی ‏پرسیار ‏بخرێته‌سه‌ری و هه‌زاران كێشه‌ی گەندەڵی و بەرتیل و ریشوە یەخەی هاوڵاتیان و ‏تەنانەت رۆشنبیران و ‏نوسەرانیش ئەگرێت.‏
دەزگای راگەیاندنی یەكێتی و لەسەروو هەمویشانەوە كوردستانی نوێ كە رۆژگارێ بە ‏رۆژنامەیەكی پڕ ‏خوێنەر دائەنرا، ئێستا بەرەو پوكانەوە و بێ خوێنەریەكی خەتەر ئەڕوات و ‏گەندەڵی سەیر و سەمەرەشی ‏تیا ئەنجام ئەدرێت چونكە میزاج جێگەی ئەو قانونەی ‏گرتۆتەوە كە لەسەرەوە باسمان كرد.‏
لەمەودواش تا هەموو لایەك هەقیقەتەكان بزانن گەندەڵیەكانی دەزگای راگەیاندنی یەكێتی یەك ‏بەیەك ‏ئەخەینە روو.‏
یەكەمین گەندەڵی لە ستافی نوسەرانی كوردستانی نوێ دەست پێ ئەكات، ئێستا كە ستافەكەی ‏بریتیە ‏لە كاروان عەلی، محمد كەریم و شیرین كەمال. یەكەم ناویان كە كاتی خۆی لەبەر ‏هەندێ ئیمتیازات ‏رۆژنامەی كوردستانی نوێی بەجێهێشت و چوو بۆ رۆژنامەی ئاسۆ، دواتر ‏گەڕایەوە بۆ كوردستانی نوێ ‏ئێستا بەهۆی بەرنامەی تواناسازییەوە زیاتر لە ساڵێكە لە ‏بەریتانیا لە دكتۆرا ئەخوێنێ و تا 5 ساڵی ‏تریش هەر لە بەریتانیا ئەمێنێتەوە بۆ تەواو ‏كردنی خوێندنەكەی، دوو ستافەكەی تریش كە لە بەیانیەوە ‏تا شەوانی درەنگ‏ لەو رۆژنامەیەدا ‏كار ئەكەن، هێشتا كاروان عەلی كە لە بەریتانیا ئەژی ناوی لە پێش ‏دوانەكەیترەوە خراوەتە ‏ستافی نوسەران و هەمان مەعاش و پاداشتی هەیە، لەكاتێكدا ئەم پارەیە لە ‏گیرفانی یەكێتی ‏و میللەت سەرف ئەكرێ..‏
ئەپرسم لە كوێی دنیادا هەبوە كەسێك بۆ ماوەی نزیكەی 6 ساڵ لە دەرەوەی وڵاتەكەی بێ، ‏بەڵام لەناو ‏وڵاتدا ستافی نوسەران بێ و موچەی زلی هەبێ، مەگەر ئەمە هەر لە قاموسی ‏گەندەلیەكانی كوردستانی ‏نوێ و مەكتەبی راگەیاندندا هەبێ!.‏