فه‌ره‌ج حه‌یده‌ریی ته‌زویرچیه‌که‌ی کوچه‌ی عه‌ره‌ب!
Saturday, 16/10/2010, 12:00
له‌و کاته‌وه فه‌رج حه‌یده‌ریی وه‌ك سه‌رۆکی کۆمسیۆنی باڵای هه‌ڵبژاردنه‌کانی عێراق و کوردستان ده‌رکه‌وتوه، من خه‌فه‌ت و مه‌راق ئه‌خۆم، له‌و کاته‌وه هه‌ر چاوه‌ڕێم کوردستان پۆست پاشه‌ڵی پیسی ئه‌م پیاوه ته‌زویرچیه هه‌ڵداته‌وه، به‌ڵام به‌داخه‌وه که‌س شتێکی له‌سه‌ر نه‌نوسی. من نوسه‌ر نیم، به‌ڵام وه‌ك که‌سێك که له‌کۆتایی هه‌شتاکاند ئیشم که‌وتۆته لای فه‌ره‌ج له کوچه‌ی عه‌ره‌ب به ناچاریی بڕیارم دا ڕه‌جه‌ب ئاسا ببمه سه‌رپاڵه‌و شتێکی کورد له‌سه‌ر ئه‌م کابرایه بنووسم.
ئه‌وه‌ی پێشمه‌رگایه‌تیی کردبێت و له ناوه‌ڕاستی هه‌شتاکان و سه‌ره‌تای نه‌وه‌ته‌کانیشدا ڕێگه‌ی سه‌فه‌ری ئه‌وروپای هه‌ڵبژاردبێت له تارانه‌وه، ئه‌وا بێگومان ڕێی که‌وتۆته کوچه‌ی عه‌ره‌ب و، کاری ته‌زویری دوکومێنت و پاسپۆرتی لای قاچاخچی و ته‌زویر چیه‌کانی ئه‌وێ بۆکراوه .ئه‌وه‌ی پێویسته بوترێت ئه‌وه‌یه که‌هه‌تا ماوه‌یه‌کی زۆریش دوای ڕاپه‌ڕین، گه‌وره‌ترین ته‌زویرچی له کوچه‌ی عه‌ره‌ب ئه‌م(فه‌ره‌ج حه‌یده‌ریی) بوو که ئێستا کراوه‌ته سه‌رۆکی کۆمسیۆنی هه‌ڵبژاردنه‌کان. ئه‌م کابرایه ئه‌گه‌رچی ته‌نها پاره‌ی ئه‌ناسیی و له‌به‌رانبه‌ر ته‌زویر کردنی پاسپورت یان دروست کردنی هه‌ر وه‌ره‌قه‌یه‌کدا بڕێکی زۆر پاره‌ی وه‌رئه‌گرت، به‌ڵام خواهه‌ڵناگرێت له‌کاره‌که‌یدا زۆر شاره‌زاو لێزان بوو، ته‌زویره‌کانی به‌جوانی بۆ ئه‌کردیت، هه‌مو مۆره‌کێشی لابوو. ئه‌م کابرایه خۆی چڵکاوخۆری بنه‌ماڵه‌ی بارزانیی بوو، ماوه‌یه‌کی زۆر بوو له تارن ئه‌ژیا و به‌ده‌رێژایی ئه‌و ماوه‌یه هه‌ر خه‌ریکی قاچاخچێتی ،ته‌زویرچێتی، ساغ کردنه‌وه و سه‌رفکردنی پاره‌ی ته‌زویر بوو. به شاهیدی هه‌موو ئه‌وانه‌شی ڕێگه‌یان که‌وتۆته تاران له‌و سه‌رده‌مه‌دا، فه‌ره‌ج له شاره‌زاترین ته‌زویرچیه‌کان بوو، نهێنی سه‌رکه‌وتنه‌که‌شی له‌وه‌دابوو که ئه‌م ڕاسته‌وخۆ له‌گه‌ڵ ئیتیلاعات کاریی ئه‌کردو، وه‌ك ته‌زویرچیه‌کانی تری کوچه‌ی عه‌ره‌ب نه‌ئه‌ترسا.
گرنگ نیه فه‌ره‌ج ته‌زویرچی و قاچاخچی یان هه‌ر کارو پیشه‌یه‌کی تری هه‌بوبێت، به‌ڵام زۆرگرنگه و ئه‌م بابه‌ته زۆر هه‌ڵئه‌گرێت که بۆچی ماڵی بارزانیی ئه‌م پیاوه‌یان ده‌ستنیشان کرد ببێته سه‌رۆکی کۆمسیونی هه‌ڵبژاردنه‌کان؟ وه‌ڵامه‌که‌ش زۆر ئاشکرایه که له‌به‌ر پسپۆریی و شاره‌زایی ئه‌م زاته‌یه له ته‌زویرکردندا، به‌ڕاستیش هه‌روابو و ئه‌رکی خۆی له هه‌ردوو هه‌ڵبژاردنه‌کانی 25/7 و 7/3 به‌باشی بینیی که بوه مایه‌ی ته‌زویرکردنی سه‌دان هه‌زار ده‌نگ له به‌رژه‌وه‌ندی بنه‌ماڵه‌ی بارزانی.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
