له سایه‌ی ئه‌م په‌تا پیسه‌دا
Friday, 08/05/2020, 22:18
ژیان
به گۆچان ڕێده‌كات
ژیان بووه به ڕوئیا و
مردن هێواش هێواش
به‌ره‌و خۆی كێشمان ده‌كات.
له‌م سه‌رده‌مه‌دا
ڕۆژه‌كان به تاڵی تێده‌په‌ڕن
ڕۆژه‌كان به‌نائومێدیه‌وه
به ڕه‌نگی غوربه‌ته‌وه
ئاواده‌بن.
هاوڕێ گیان
له‌و ڕۆژه ڕه‌شانه‌دا
له‌و ڕۆژه تاڵ و تاریكانه‌دا
تۆ ده‌نگی هه‌ژاران بووی
تۆ هاواری ئێش و ئازاره‌كانیان بووی.
به‌ڵام مخابن
له كاتی مه‌رگا
هاوڕێیك نه‌بوو
ده‌ستت بگرێ
خۆشه‌ویستێك به سۆزه‌وه
له ئامێزت بگرێ.
هاوڕێ گیان به ته‌نیا
به ته‌نیا خۆت
له‌مه‌یدانی شه‌ڕی دووژمنا
له مه‌یدانی جه‌نگی
مردنا بووی..!
ڕۆحت شاد و یادت هه‌میشه زیندوو بێت، كاك مسته‌فا ی حه‌سه‌نه گه‌وره….
مه‌نسور جه‌لال… e9fc
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
