ئەم دۆخەی کە لە کوردستان بوونی هەیە بە بڕوای من ئەنجامی نەبوونی ناڕەزایی و ڕەخنە بوە لەسەرەتای ڕاپەڕینەوە تا ئێستا .
کاتێک شۆڕشی فەڕانسی کرا و خەڵک ڕژانە سەر شەقامەکان و حکومەت گۆڕدرا بەڵام خەڵک نەهاتن چەپڵەبارانی دەسەڵاتتدارانی نوێ بکەن ، بەڵکو بۆ بچووکترین کارێکی دەسەڵاتی نوێ ڕەخنەیان دەگرت و دەڕژانە سەر شەقامەکان و ناڕەزایەتیان دەردەبڕی و ڕۆشنبیران و نووسەران بە تەنز و ووشەکانیان حکومەتیان تەنز باران دەکرد و هونەرمەندان کەسایەتیە سیاسیەکانیان بچووک دەکردەوە و لە شانۆکانیاندا بەر ڕەخنەیان ئەدا ، ئەنجامی ئەو ناڕەزایەتیانە و قبوڵنەکردنی ستەم تا دوبارە دەسەڵاتێکی پاوانخواز دەست نەگرێت بەسەر چەمکەکانی دەسەڵات ئەو فەڕنسایەی لێ بەرهەمهات کە ئێستا دەیبینین سەرتۆپی جیهانە .
تاکی کوردیش گەر بهاتباو لە دوای ڕاپەڕین لەبری مامە مامە و کاکە کاکە و چەپڵە لێدان بۆ فیوداڵەکانی شاخ ، ڕەخنەتان بگرتایە و نووسەر و بە ناو ڕۆشنبیر بە ئەرکی خۆی هەستایە و ئەو دەسەڵاتەی بخستایەتە ژێر ڕەخنە و تەنز و نووسینەکانیان ببوایە بە هەڵدەرەوەی مەلەفی پیسی بەرپرس و خیانەتکار و کارە قێزەونەکانیان و تاکی کوردی چاودێر بوونایە بەسەر کارەکانی بەناو بەرپرسان و هونەرمەندان بەرپرسیان بکردایە بە بوکەڵەیەک و بچووکیان بکردایەتەوە و پیرۆزیەکان تێک بشکێندرانایە و دکتۆر نەبوایە بە جەلادێک و ڕاپۆرتی پزیشکی ساختە بۆ کارە قێزەونەکانی بەرپرسان بە شەرعی بکات و دادوەر دەبوو یاسایان سەروەر بکردایە و بڕیاری کپ کردنی دەنگی ناڕەزایان دەرنەکردایە و ئەبوو سنوور دابنرایە بۆ شێخ و ئاغا و دەرەبەگ و مەلا و ئەمیر کۆنت و کۆنتێسە و دۆق و دۆقە و لە دەسەڵات دووریان بخەنەوە و دیوەخانەکانی عەشایەری و یاسای عەشایەری هەڵبوەشێندرایەتەوە ..
ئەبوو بەرنامەی چەکداری و شاخ و شۆڕشگێڕییان لەڕەگ و ڕیشەوە دەر بهێنایە و ئەبوو مامۆستا لەبری وانەی شۆڕشگێڕی و پیرۆزکردنی بەناو سەرکردە وانەی ئەخلاق و زانست و زانیاریان ببەخشیایەتەوە بەسەر خوێندکاراندا و مارشی نەتەوەی لەو مارشە خوێناویەوە بگۆڕدرایە بۆ مارشێکی بنیاتنەر و پڕبوایە لە ووشە بە زمانی گوڵ ، ئەبوو کارمەندان و ئاسایش و پۆلیس و هێزی چەکداری نەبنە پاسەوانی بنکە و بارەگای حزبی و نەبن بە شەق وەشێنی دەسەڵات و ئەبوو ویژدان بەرزی بنوێندرایەو خاڵە گومرکیەکان نەبونایە بە خاڵی تێپەڕبوونی ژەهر و میللەتێکی پێ بخەسێندریت و کارمەند ئەبوو تێوەنەگلایە لە گەندەڵی و گەر لە داریان بدایە ڕێگەی نەدایە تەندەرە ساختەکان و پڕۆژە نایاساییەکان تؿبپەڕییایە ، ئەبوو ڕێگە نەدرایە بانقەکان بەتاڵبکرێنەوە هەر ڕۆژە و لەلایەن بەناو بەرپرسێکەوە ، ئەبوو ڕێگە نەدرایە میدیاکان ببنە مینبەری دەسەڵات بەڵکو ئەبوو مینبەری خەڵکی ناڕازی بوونایە و میدیاکار و ڕۆژنامەنووس بە ئەریکی خۆیان هەستانایە و نبوونایە بە قەڵەم بەدەستی حزبی ئەمانە و هەزاران ئەبووی تر بەڵام ئێستا بە شێوازێک " گەندەڵی و چەکداری و گرووپی مافیای و دزی و جەردەی و بە حزبی کردن و بندیواری " ڕەگ و ڕیشەی داکوتیوە کە گرانە جارێکی تر ئاهێک بێتەوە بۆ بنیاتنانی کوردستانێک کە خەونی هەمووان بێت ، بەبڕوای من درووستکردنی دەسەڵات لەدوای هەر ڕاپەڕینێک وابەستەیە بە ڕادەی بیرکردنەوەی ڕاپەڕیوان کە ئایا درووستکەر بێت یا خوود ئاواتە خوازی دەسەڵاتی پێشوو بێت .

وەک ئەحمەد عایدی دەڵێت
هەرکەس مێژووی دەوڵەتانی سێهەم بخوێنێتەوە کارەساتێکی تۆقێنەری دێتە بەرچاو زۆرن ئەوانەی ڕزگاربوون لە دەسەڵاتی پێشووی ستەمککار و داگیرکەر تا خودخواستانە ببنە ملکەچی دەسەڵاتی نیشتیمانی دوای ڕاپەڕین و هەندێکیش ئاواتەخوازی دەسەڵاتی داگیرکەر و ستەمکاری پێشوون ...
نەوشیروان موستەفا لەدوای ڕاپەڕین دەڵێت جیلی ئێستا ئەقڵیەت و بەرنامەی شۆڕشگێڕی و بەعسیەتی تێدا ماوە .
واتە ئێستاش بەهەمان نەفەسی بەعسی شار و شۆڕشگێڕی شاخ کاردەکەن و خەریکی ماستاوکردن بۆ بەرپرس و ستەمکردنن ..
دوای چەندین ساڵ لەو ووتەیەی نەوشیروان مووستەفا ئێستا بە ڕوونی بە دیاردەکەوێت کە ئەو ئەقڵیەتە نەگڕۆدراوە و بەردەوامی هەیە.