لێکدانه‌وه‌یه‌کی ڕه‌خنه‌یی بۆ نامه‌که‌ی نه‌وشێروان مسته‌فا
Saturday, 28/01/2012, 12:00
ئه‌گه‌ر ئێمه‌بێین لێکدانه‌وه‌یه‌کی ورد بۆ کێشه‌ی کشانه‌وه‌ی چوار په‌رله‌مانتاره‌که له فراکسیۆنی گۆڕان و نامه(ڕێکه‌وت گۆڕدراوه‌که)ی نه‌وشێروان مسته‌فا بکه‌ین ئه‌وا ده‌توانین په‌نجه‌له‌سه‌ر هه‌ندێک خاڵی گرنگ دابنێین که‌پێویسته‌سه‌رجه‌م کۆمه‌ڵانی خه‌ڵکی کوردستان لێی ئاگادار بن :
1) ساڵی ڕابردوو بزوتنه‌وه‌ی گۆڕان چه‌ند هه‌ڵه‌یه‌کی کووشنده‌ی کرد که‌ده‌بووایه‌باجی زۆر قورسی ئه‌و هه‌ڵانه‌ی بدابووایه‌به‌به‌راورد له‌گه‌ڵ به‌رنامه‌ی ئۆپۆزسیۆنبوونی خۆی و گرتنه‌ده‌ستی ده‌سرۆکه‌ی سه‌رچۆپی چاکسازی که‌سه‌دانی وه‌ک ئێمه‌مانان ئومێدمان پێی هه‌بوو و ده‌نگمان بۆدابوو(که‌هه‌زاران له‌و ده‌نگانه‌ش له‌به‌ر خاتری بزوتنه‌وه‌ی گۆڕان و چاوی ڕه‌ش و ڕابردووی نه‌وشێروان مسته‌فا نه‌بوو، به‌ڵکو له‌ده‌ست دادوبێدادی خه‌ڵک بوو له‌ده‌ست یه‌کێتی و پارتی و نه‌بوونی ئه‌لته‌رناتیڤ ، که‌ئێستا شانازی به‌وه‌ده‌کات که‌خاوه‌نی ئه‌و سه‌دان هه‌زار ده‌نگه‌یه و به‌ڕه‌نج و ماندووبوونی خۆی و داروده‌سته‌که‌ی به‌ده‌ست هاتوون که‌ئه‌گه‌ر چی چه‌ند که‌سان و گرووپێک هه‌بوون وه‌ک سه‌ربازی ون له‌پشته‌وه‌ی حه‌مله‌ی هه‌ڵبژاردن بوون که‌کاریان ده‌کرد به‌مه‌به‌ستی سه‌رخستنی لیستی گۆڕان له‌وانه‌ش ناکرێت ڕۆڵی کوردستان پۆست له‌به‌ر چاو نه‌گیرێت) ، له‌وانه‌له‌ڕۆژی یه‌که‌می خۆنیشاندانه‌کان و ڕێک له17ی شوباتی 2011 خۆنیشانده‌رانی به(ئاژاوه‌گێڕ) وه‌سفکرد ، که‌ئه‌مه‌به‌هه‌موو پێوه‌رێک دوور بوو له‌گوتاری سیاسی بزوتنه‌وه‌که‌و ته‌نانه‌ت به‌پێوه‌ره‌کانی دیموکراسیش ناکرێت خه‌ڵکی خۆنیشانده‌ر به‌ئاژاوه‌گێڕ وه‌سفبکه‌یت و مافی خۆنیشاندان له‌خه‌ڵک وه‌ربگرێته‌وه، که‌له‌وێدا جیاوازیه‌ک نه‌ما له‌ڕه‌تکرنه‌وه‌ی مافی خۆنیشاندان و ته‌شهیرکردن پێیان له‌نێوان ده‌سه‌ڵات و بزوتنه‌وه‌ی گۆڕان .
پاشان هێشتا برینی برینداره‌کانی خۆنیشاندانه‌کان ساڕێژ نه‌بووبوو و پرسه‌ی شه‌هیده‌کانیش ساردنه‌بووبووه‌وه، که‌ئه‌و له‌گه‌ڵ مه‌سعود بارزانی کۆبووه‌وه‌و موزایه‌ده‌ی به‌خوێنی شه‌هیدان و برینداره‌کان کرد ، جگه‌له‌وه‌ش بزوتنه‌وه‌ی گۆڕان به‌گشتی و خودی نه‌وشێروان مسته‌فا به‌تایبه‌تی ، به‌رده‌وام ڕه‌خنه‌ی ناشه‌فافبوون له‌حزبه‌کۆنه‌سیاسییه‌کانی ناو ده‌سه‌ڵات ده‌گرێت که‌نا‌شه‌فافانه‌کارده‌که‌ن ، باشه‌ئه‌گه‌ر ئێوه‌هه‌ڵگری کارنامه‌ی چاکسازی و شه‌فافیه‌تن ، خۆ ده‌تانتوانی ناوه‌ڕۆکی کۆبوونه‌وه‌که‌به‌ده‌نگ یان به‌ده‌نگوڕه‌نگ به‌تۆمارکراوی بڵاوبکه‌نه‌وه، خۆ هه‌رنا ده‌تانتوانی بینووسنه‌وه‌و پاشان بڵاویبکه‌نه‌وه‌تاوه‌کو بڕوامان به‌وه‌به‌‌هێزتر بووبووایه‌که‌ئێوه‌هه‌ڵگری په‌یامی چاکسازی و شه‌فافیه‌تن . جگه‌له‌وه‌ش هێشتا که‌س نه‌یزانیووه‌که‌له کۆبونه‌وه‌بیست 20 خووله‌که‌نهێنیه‌دوو قۆڵیه‌که‌ی نه‌وشێروان مسته‌فا و نێچیرڤان بارزانی باسی چی کراوه!!!!!!
هه‌روه‌ها ڕووداوێکی تر که‌بووه‌په‌ڵه‌یه‌کی ڕه‌شتر له‌پاڵ په‌ڵه‌ره‌شه‌کانی تر به‌نێوچه‌وانی بزوتنه‌وه‌ی گۆڕان ، ئه‌ویش سه‌ردانی کردنی نێچیرڤان بارزانی بوو بۆ گرده‌که‌و به‌پیره‌وه‌چوونی کادره‌گه‌نج و باڵا و چالاکه‌کانی بزووتنه‌وه‌ی گۆڕان که‌سڕه‌یان گرتبوو تاوه‌کو بواری وێنه‌گرتنیان له‌گه‌ڵ ئه‌و مرۆڤکوژ و تاڵانکه‌ر وگه‌وره‌بازرگانه‌به‌ر بکه‌وێت ، دوای ئه‌وه‌بینیمان هه‌ڵمه‌تێکی ناڕه‌زایی راگه‌یاندن دژی بزوتنه‌وه‌ی گۆڕان ده‌ستی پێکرد به‌تایبه‌تی ئه‌وه‌له‌فه‌یسبووک به‌ئاشکرا هه‌ستی پێکرا . کاتێکیش ده‌نووسێت (متمانه‌شمان به‌كارمه‌ندانی‌راگه‌یاندنی‌خۆمان هه‌یه‌به‌دڵسوزییه‌وه‌بۆ بزوتنه‌وه‌ی‌گۆڕان‌و به‌رژه‌نده‌ی‌خه‌ڵك كار ئه‌كه‌ن) وه‌ڵامێکی ڕوون و ئاشکرایه‌بۆ ئه‌و ڕه‌خنانه‌ی که‌له‌کارمه‌ندانیknn ده‌گیرێت سه‌باره‌ت به‌سڕه‌گرتنیان بۆ وێنه‌گرتن له‌گه‌ڵ نێچیرڤان بارزانی و شه‌رعیه‌ت پێدانه‌وه‌یان له‌لایه‌ن نه‌وشێروان مسته‌فاوه.
ئه‌م ڕووداوانه‌و به‌تایبه‌تی ئه‌مه‌ی دوایی ، وایانکرد پارسه‌نگی جه‌ماوه‌ر له‌به‌رژه‌وه‌ندی بزوته‌وه‌که‌نه‌بێت ، هه‌ستیان کرد که به‌‌قۆناغێکی تاڵ و شه‌رمه‌زارانه‌گوزه‌رده‌که‌ن ، که‌وایکرد ئاراسته‌ی ڕه‌خنه‌ڕوو له‌بزوتنه‌وه‌ی گۆڕان بێت ، ئه‌وانیش هه‌روا لێڕاهاتوون که‌هه‌میشه‌ڕه‌خنه‌بگرن نه‌ک ڕه‌خنه‌یان لێبگیرێت ، ئه‌وه‌بوو بزوتنه‌وه‌ی گۆڕان بیری له‌وه‌کرده‌وه‌که‌باشترین هۆکار بۆ ڕزگاربوون له‌و گێژاوانه، زه‌قکردنه‌وه‌ی بابه‌تی واژۆکرردنی یاداشتنامه‌ی چوار په‌رله‌مانتاره‌کانیان بوو(ئه‌گه‌ر چی جگه‌له‌بزوتنه‌وه‌ی گۆڕان خه‌ڵکانێکی نیشتمانپه‌روه‌ر و سه‌ربه‌خۆ و به‌شه‌ڕه‌ف و ئازادیخواز ڕه‌خنه‌یان هه‌بوو له‌سه‌ر ئه‌و هه‌ڵوێسته‌ی په‌رله‌مانتاره‌کانی فڕاکسیۆنی گۆڕان) وایانزانی به‌سه‌فقه‌یه‌کی سیاسی ده‌توانن خۆیان له‌و گێژاوه‌ده‌ربهێنن ، خۆ ئه‌گه‌رنا ئه‌و بابه‌ته نێزیکه‌ی مانگێکه‌له‌گۆڕه‌پانه‌که‌‌بوونی هه‌یه، خێره‌بزوتنه‌وه‌ی گۆڕان هه‌ر له‌گه‌ڵ رووداوه‌که‌هه‌مان هه‌ڵوێستی ئێستای نه‌بوو ؟ خۆ ئه‌گه‌ر ئه‌وان ئه‌و هه‌موو ژووری لێکۆڵینه‌وه‌یان هه‌یه، ده‌یانتوانی ده‌ستبه‌جێ هه‌مان ئه‌م هه‌ڵوێسته‌ی ئێستایان هه‌بووایه!
2) به‌گوێره‌ی ئه‌و زانیاریه‌ڕۆژنامه‌وانیانه‌ی له‌ده‌زگاکانی ڕاگه‌یاندن بڵاوکراونه‌ته‌وه، ئه‌وه‌نیشان ده‌ده‌ن که‌نامه‌که‌ی نه‌وشێروان مسته‌فا له26/1/2012 نووسراوه‌نه‌ک له23/1/2012 ، ئه‌ندام په‌رله‌مانه‌کان له‌فڕاکسیۆنی گۆڕان ئاماژه‌به‌وه‌ده‌که‌ن که‌تا 26 ی مانگ ئه‌و نامه‌یه‌یان نه‌بینیووه‌و وه‌ک خه‌ڵکی ئاسایی له‌ده‌زگاکانی ڕاگه‌یاندن بینیوویانه‌له26 ی مانگ ، که‌ئه‌مه‌ش وه‌ک درۆی سیاسی ویاسایی مامه‌ڵه‌ی له‌گه‌ڵدا ده‌کرێت ، له‌ڕووی یاساییشه‌وه‌له‌کاتی لێکۆڵینه‌وه‌له‌ڕووداوه‌کاندا مامه‌ڵه‌ی توندی له‌گه‌ڵدا ده‌کرێت .
3) ده‌نووسێت (بڕوام به‌و په‌نده‌ی‌هیندییه سووره‌كان هه‌یه‌كه‌ئه‌ڵێ: له‌كاتی‌به‌خێوكردنی‌مناڵا لێگه‌ڕێ با خۆی‌چه‌ند جارێك هه‌ڵه‌بكا و باجی‌هه‌ڵه‌كانی‌بدا، ئه‌وسا ده‌ستی‌بگره‌و چه‌ند قسه‌یه‌كی بۆ بكه) لێره‌دا کاره‌ساتی گه‌وره‌ئه‌وه‌یه‌که نه‌وشێروان موسته‌فا به‌یه‌ک چاو سه‌یری منداڵ و ئه‌ندام په‌رله‌مانه‌کان ده‌کات ، منداڵ بێ ئه‌زمونه وعه‌قڵی ته‌واو پێ نه‌گه‌یشتووه ، ناتوانێت نوێنه‌رایه‌تی خودی خۆیشی بکات ده‌بێت دایک وباوک له‌جیاتی ئه‌وبڕیار بده‌ن ، به‌ڵام ئه‌وانه‌ئه‌ندام په‌رله‌مانن و نوێنه‌ری خه‌ڵکن و گه‌رده‌نی هه‌زاران هه‌زار که‌سیان به‌ئه‌ستۆوه‌یه و له‌بڕی خه‌ڵک بڕیارده‌ده‌ن ، ئه‌ی ئه‌گه‌ر نه‌وشێروان مسته‌فا هێشتا‌چاوه‌ڕوانی ئه‌وه‌یان لێده‌کات که وه‌ک منداڵ دوو سێ جار هه‌ڵه‌بکه‌ن و هه‌ڵبستنه‌وه‌وفێربن له‌هه‌ڵه‌کانیان ده‌رس وه‌ربگرن و هێشتا له‌قۆناغی پێش تاقی کردنه‌وه‌دان ، چۆن کردنی به‌‌نوێنه‌رانی خه‌ڵک ؟؟؟؟؟؟؟؟؟؟؟
دوایی وه‌ک له‌نامه‌که‌دا ئاماژه‌ی پێکردووه‌هه‌ر له‌سه‌رده‌می پێشمه‌رگایه‌تیه‌وه‌خه‌ریکی تاقی کردنه‌وه‌ی ژن و پیاوه‌کان بووه‌ئاخۆ فریو ده‌درێن یان نا ؟ خۆ ده‌بووایه‌شاره‌زایییه‌کی ته‌واوی هه‌بووایه‌له‌هه‌ڵسه‌نگاندنی که‌سایه‌تی ئه‌وانه‌ی بۆپه‌رله‌مانیان ده‌نێرێت ، تا ئه‌و هه‌ڵه گه‌وره‌یه‌ی به‌سه‌ردا تێنه‌په‌ڕیبووایه، ئه‌مه‌ش ئه‌وه‌ده‌رده‌خات که‌کادیری تاقی نه‌کراوه‌ی کرده‌کاندیدی لیسته‌که‌ی و خه‌ڵکی پێ فریو دا ، چونکه‌وا ده‌رده‌که‌وێت که‌ئه‌وان له‌زیهن و عه‌قڵی نه‌وشێرواندا تاقی نه‌کراوه‌و ناکامڵن ، له‌وه‌ش سه‌یرتر ئه‌وه‌یه‌که‌دوای دوو ساڵ کارکردنیان له‌په‌رله‌مان ئینجا دامه‌زرێنه‌ری بزوتنه‌وه‌که‌کاتی ئه‌وه‌ی هه‌بووه‌بپڕژێته‌سه‌ر ئه‌وه‌ی دوو قسه‌به‌ڕاشکاوی له‌گه‌ڵ ئه‌ندام په‌رله‌مانه‌کانی بکات.
4) نامه‌که‌ی نه‌وشێروان مسته‌فا :
أ) ئه‌گه‌ر چی له‌سه‌ره‌تادا نه‌وشێروان مسته‌فا وا خۆی ده‌ناسێنێت که‌یه‌کێکه‌له‌دامه‌زرێنه‌رانی بزوتنه‌وه‌ی گۆڕان و ته‌نانه‌ت وه‌ک هاوڵاتیه‌ک مافی خۆیتی ئه‌م نامه‌یه‌ئاراسته‌ی ئه‌و په‌رله‌مانتارانه‌بکات ، به‌ڵام ... له‌ناوه‌ڕۆکی نامه‌که‌زۆر توند و به‌ده‌سه‌ڵاته‌وه‌مامه‌ڵه‌له‌گه‌ڵ ئه‌ندام په‌رله‌مانه‌کانی فڕاکسیۆنی گۆڕان و هه‌ڵسوڕاوانی ناو بزوتنه‌وه‌که‌ده‌کات ، وه‌ک خۆشتان ده‌زانن تا ئێستا بزوتنه‌وه‌ی گۆڕان کۆنگره‌ی نه‌به‌ستووه‌و ده‌سته‌یه‌کی سه‌رکردایه‌تی به‌شه‌رعی هه‌ڵنه‌بژێردراوه تاوه‌کو نه‌وشێروان به‌م زمانی خۆبه‌گه‌وره‌زانین و هه‌ڕه‌شه‌ئامێزه‌وه قسه‌بکات ، بۆ نمونه(ده‌بێ ئیستیقاله‌له‌په‌رله‌مان بکه‌ن) ، (به‌تاکوته‌را پڕژه‌پێشکه‌ش مه‌که‌ن) ، ئایا کام کۆنگره‌و په‌یڕه‌ووپڕۆگرام حه‌قی به‌نه‌وشێروان مسته‌فا داوه‌که(ده‌بێ) و (مه‌که‌ن) به‌کار بهێنێت ؟
ب) حه‌ز ناکه‌م له‌ڕووی زمانه‌وانی و رێزمانیه‌وه‌به‌وردی نامه‌که‌شیبکه‌مه‌وه، به‌ڵام چه‌ند هه‌ڵه‌یه‌کی زمانه‌وانی و رێزمانی زه‌ق هه‌یه‌که‌ناکرێت له‌سه‌ری بازبده‌ین ، به‌گوێره‌ی ئه‌م نووسینه‌بێت هێشتا نه‌وشێروان مسته‌فا نه‌یتوانیووه‌له‌ژێر نه‌فه‌سی ناوجه‌گه‌ڕێتی خۆی بێته‌ده‌ره‌وه و به‌گوێره‌ی (رێنماییه‌کانی کۆڕی زانیاری کوردستان بۆ رێنووسی یه‌کگرتووی کوردی) بنووسێت ، بۆ نمومه‌قووتدانی پیتی (د) له‌وشه‌کانی (له‌کاتی به‌خێوکه‌دنی مناڵا ، له‌ئیعلاما ، به‌سه‌رتانا ، هه‌ڵ به‌نه‌وه، گروپێکا ، سیاسیا ، به‌خۆتانا ، له‌کۆتاییا (راستییه‌که‌ی له‌کۆتاییدا یان له‌کۆتایییا به‌سێ 'ی' نه‌ک دوو ی ) ، ئه‌وه‌شی که‌وه‌زیفه‌ی نه‌بو ڕاستییه‌که‌ی ئه‌وه‌شی که‌وه‌زیفه‌ی نه‌بوو ، ئه‌وه‌ش تۆمارکه‌ن کێ ئاماده‌نه‌بوه ڕاستییه‌که‌ی ئه‌وه‌ش تۆمارکه‌ن که‌کێ ئاماده‌نه‌بووه، خه‌ڵک پێیان هه‌ڵ ئه‌دا ڕاستییه‌که‌ی خه‌ڵک پێێان هه‌ڵ ده‌دان یان خه‌ڵک پێیان هه‌ڵ ئه‌دان ، وه‌کو نه‌ک وه‌کوو) سه‌باره‌ت به(وو) بزوێن هه‌ر به(وو) ده‌نووسرێت وه‌کو (سوور ، چوو ، دوو) به‌ڵام ئه‌و له‌مه‌دا هه‌مووی به‌یه‌ک (و) نووسیووه‌وه‌کو وشه‌کانی (نه‌چوه، کردوه، پابه‌ندنه‌بون ، نه‌بو ، هاتوه، ژور ، چونه‌ته، دو ، روناکی ،هه‌مو) که‌ئه‌مه‌ش ناکرێت که‌سێک هه‌ڵگری درووشمی چاکسازی بێت که‌چی نه‌توانێت چاکسازی له خۆیدا بکات له‌ته‌وه‌ره‌یه‌کی زۆر گرنگی نه‌ته‌وه‌یی که‌زمانی نووسینی نه‌ته‌وه‌یه!!
ت) کاتێک ده‌نووسێت ( ئه‌مه‌وێ لای‌هه‌مووتان رۆشن بێت كه بزوتنه‌وه‌ی‌گۆڕان ئاماده‌نییه‌باجی‌هه‌ڵه‌و ته‌ماحی‌هیچ كه‌سێك بدا، ته‌نانه‌ت ئه‌گه‌ر نوری‌چاویشم بێت، چونكه‌گه‌ر بمانخه‌نه‌گۆشه‌یه‌ك و موخه‌یه‌رمان بكه‌ن له‌نێوان سومعه‌ی‌بزوتنه‌وه‌ی‌گۆڕان و له‌ده‌ستدانی متمانه‌ی‌سه‌دان هه‌زار هاوڵاتی‌له‌پاڵ ده‌ركردنی‌چه‌ند ئه‌ندام په‌رله‌مانێك، ئه‌وه‌بێ دودڵی‌دووه‌میان هه‌ڵئه‌بژێرین) ئه‌گه‌ر ئه‌وه‌نده‌سومعه‌ی بزوتنه‌وه‌ی گۆڕانی له‌لا گرنگه، ده‌کرا پێشتر له‌سه‌ر مه‌سه‌له‌کانی وه‌ک (به‌ئاژاوه‌گێڕ) ناوبردنی خۆپیشانده‌ران و ناشیفافییه‌تبوونی له‌کۆبوونه‌وه‌ی له‌گه‌ڵ مه‌سعود بارزانی و ئێستاش کۆبوونه‌وه‌ی دووقۆڵی و نهێنی له‌گه‌ڵ نێچیرڤان بارزانی و ناشه‌فافیه‌ت له‌داهات و پاره‌وپولی بزوتنه‌وه‌ی گۆڕان (که‌بێگومان دیاره‌پا‌ره‌یه‌کی زۆر مانگانه‌سه‌رف ده‌کرێت به‌بێ ئه‌وه‌ی بزوتنه‌وه‌که‌هیچ داهاتێکی هه‌بێت که‌ئه‌وه‌گومانی زۆری خستتووه‌ته‌سه‌ر بزوتنه‌وه‌ی گۆڕان ، ئه‌مه‌جگه‌له‌وه‌ی ئێستا خه‌ڵکانێک وه‌ک هه‌ڵسوڕاو و هه‌وادار مووچه‌خۆری بزوتنه‌وه‌ی گۆڕانن) و کادیره‌گه‌نجه‌به‌تواناکانی ڕاگه‌یاندنی بزوتنه‌وه‌ی گۆڕان که‌سڕییان گرتبوو بۆ وێنه‌گرتن له‌گه‌ڵ نێچیرڤان بارزانی ، ده‌کرا له‌و کاتانه‌‌شدا سومعه‌ی بزوتنه‌وه‌که‌تان له‌لا گرنگ بووایه‌و له‌خۆتانڕا ده‌ستتان پێکردبووایه‌و پاشان ئه‌وانی تریشتان سزادابووایه، تاوه‌کو دڵنیا بووینایه‌که‌جه‌نابتان که‌سێکی ڕاستڕه‌و ودادپه‌روه‌رن و ته‌نانه‌ت ئاماده‌ی سزادانی خۆشتانن .
پ) هه‌ر له‌نامه‌که دا ئه‌گه‌ر بێین سه‌رنج بده‌ینه‌سه‌ر ئه‌و کارانه‌ی که‌ده‌کرێت فڕاکسیۆنی گۆڕان کاری له‌سه‌ر بکات ، ئه‌وا هه‌ندێک شتی زۆر گرنگ بۆ خه‌ڵکی کوردستان به‌دیارده‌که‌وێت ، بۆ نموونه:
داوای لێبووردنکردن و ده‌ستله‌کارکێشانه‌وه: ده‌نووسێت : (ئاگادارمان كردبونه‌وه‌كه‌با به‌رونكردنه‌وه‌یه‌ك بۆ رای گشتی‌داوای‌لێبووردن له‌خه‌ڵكی‌كوردستان و ده‌نگده‌ره‌كانیان بكه‌ن، چونكه‌ئه‌وان به‌ڵێنیان داوه‌به‌رگری‌له‌مافی‌گشتی خه‌ڵك بكه‌ن نه‌ك له‌ئیمتیازاتی‌خۆیان، به‌ڵام نه‌یان كرد، بۆیه‌ده‌بێ، ئیستیقاله‌له‌په‌رله‌مان بكه‌ن) ئه‌ی باشه‌له‌به‌ر چی نه‌وشێروان مسته‌فا داوای لێبووردن له‌و که‌سانه‌ناکات که‌ده‌نگیان به‌لیستی گۆڕان دا له‌هه‌ڵبژاردنه‌کان یان ده‌ست له‌کار ناکێشێته‌وه‌به‌رامبه‌ر به‌وه‌ی که‌له(خه‌تی گشتی) کارنامه‌ی بزوتنه‌وه‌ی گۆڕان لایداوه(وه‌ک له‌خاڵی ت باسم کردووه) .
به‌رزترین ئاستی مووچه: باشه‌ئه‌گه‌ر نه‌وشێروان مسته‌فا فریادڕه‌سی چاکسازی و بنه‌بڕکردنی گه‌نده‌ڵیه، بۆچی ناڵێت داوا بکه‌ن که‌مووچه‌تان نزم بکرێته‌وه‌بۆ نزمترین ئاستی مووچه‌ی فه‌رمانبه‌رێکی حکومی ، تاوه‌کو خه‌ڵکی هه‌ژار و کارگوزاره‌کان بڵێن په‌رله‌مانتاره‌کانی گۆڕان مووچه‌یان وه‌ک مووچه‌ی کارگوزارێکه، که‌چی داوای ئه‌وه‌ده‌کات که‌مووچه‌که‌یان له‌ئاستی به‌رزترین مووچه‌ی فه‌رمانبه‌رێکی حکومی (نزیک بێته‌وه) .
ده‌ستخستنه‌ناو کاروباری ئه‌ندام په‌رله‌مانه‌کان : که‌ئاماژه‌به‌وه‌ده‌کات (پێنج گروپ دروست بکه‌ن) ، ئه‌مه‌ئه‌وپه‌ڕی ته‌داخولکردنه‌بۆ سه‌ربه‌خۆیی کاری ئه‌ندام په‌رله‌مانه‌کان ، چۆن ده‌توانی حه‌ق به‌خۆت بده‌یت که‌به‌م شێوه‌یه‌کاره‌کانیان سنووردار بکه‌یت و ڕێنمووییان بکه‌یت که‌چۆن کار بکه‌ن و چی بکه‌ن ؟ هه‌روه‌ها نه‌وشێروان مسته‌فا باس له‌وه‌ده‌کات که‌پێویسته‌له‌کاره‌کانیان پرس و ڕا به(سه‌ید عومه‌ری سه‌ید عه‌لی) بکه‌ن ، ئه‌مه‌ئاماژه‌وڕاستییه‌کی زۆر مه‌ترسیداری نه‌وشێروان مسته‌فا و بزوتنه‌وه‌ی گۆڕانی به‌ده‌رخست ، باشه تێناگه‌ین ئه‌گه‌ر تۆ به‌رده‌وام به‌نگه‌شه‌بۆ به‌ده‌رخستن و سوودلێوه‌رگرتنی توانای که‌سایه‌تیه‌کان ده‌که‌یت له‌پڕۆژه‌ی چاکسازی سیاسی کوردستان ، ئێستا چۆن داوا ده‌که‌یت 25 مرۆڤی خاوه‌ن بڕوانامه‌ی به‌رز وڕۆشنبیر و دیار وگه‌نج ، ته‌نها به‌ته‌نێ عه‌قڵ کۆنێک بکه‌یته‌به‌رپرسی (کۆکار) ی ئه‌ندام په‌رله‌مانه‌کانی فڕکسیۆنی گۆڕان ، ئه‌وه‌ی لێره‌به‌ده‌رده‌که‌وێت ئه‌وه‌یه‌که‌بڕوانامه‌و گه‌نجێتی و ئاستی به‌رز و توانای که‌سێتی له‌ناو بزوتنه‌وه‌ی گۆڕان یه‌ک فلسی سووتاو ناکات ، به‌ڵکو ئه‌وه‌عه‌قڵه‌کۆنه‌کانن ده‌سه‌ڵاتی ته‌واوی بڕیاردانیان له‌به‌ر ده‌ستدایه، ئه‌مه‌ئه‌وه‌ده‌رده‌خات که‌زه‌قکردنه‌وه‌ی ڕووی ئه‌و گه‌نجانه‌ته‌نها وه‌ک مکیاجی سیاسی وایه‌بۆ بزوتنه‌وه‌ی گۆڕان ، ئه‌گه‌رنا ئه‌وان (گه‌نجه‌خاوه‌ن بڕوانامه‌کان) هیچیان به‌ده‌ست نییه(خۆ له کۆبوونه‌وه‌ی نه‌وشێروان مسته‌فاش له‌گه‌ڵ نێچیرڤان بارزانی به‌ڕوونی دیار بوو که‌كێ ده‌سته‌ڕاست و چه‌پی یه‌که‌می و دووه‌می و سێیه‌می بوون ، هه‌ر کۆنه‌‌گه‌نده‌ڵه‌کان بوون که‌ئێستا لێمان بوونه‌ته‌فریادڕه‌سی چاکسازی) .
پڕۆژه‌یاسای مه‌کته‌بی سیاسی یان هی ئه‌ندام په‌رله‌مانه‌کان : کاتێک نه‌وشێروان مسته‌فا ده‌نووسێت (به‌تاك و ته‌را پرۆژه پێشكه‌ش مه‌كه‌ن، پێكه‌وه‌به‌راوێژ له‌گه‌ڵ كۆكار و ژوری‌قانونی‌و ژوری‌ئابوری‌و ژوری‌لێكۆڵینه‌وه‌ی‌سیاسی‌پرۆژه‌پێشكه‌ش بكه‌ن) ئه‌مه‌ئه‌وه‌نیشان ده‌دات که‌خۆیشی وه‌ک یه‌کێتی و پارتی ئیعاز ده‌داته‌ئه‌ندام په‌رله‌مانه‌کان ، پڕۆژه‌یان بۆ ده‌نووسێت که‌بیبه‌نه‌په‌رله‌مان نه‌ک خۆیان مافی نووسین و پێشکهشکردنی پڕۆژه‌یان هه‌بێت ، لێره‌دا ده‌پرسین ئه‌رێ جه‌ناب چ جیاوازیه‌ک هه‌یه‌له‌نێوان پڕۆژه‌کانی مه‌کته‌بی سیاسی یه‌کێتی و پارتی له‌په‌رله‌مان و پڕژه‌کانی عه‌قڵه‌کۆنه‌کانی بزوتنه‌وه‌ی گۆڕان ؟ که‌واته‌ئایا بزوتنه‌وه‌ی گۆڕانیش به‌هه‌مان عه‌قڵییه‌تی (حزبی) یه‌کێتی و پارتی کارنا‌کات ؟
به‌رژه‌وه‌ندی خه‌ڵک یان به‌رژه‌وه‌ندی حزبی و تاکه‌که‌سی : کاتێک نه‌وشێروان مسته‌فا ده‌نووسێت (هه‌ر پڕۆژه‌یه‌کیش تهوقیتی خۆی هه‌یه) که‌واتا لێره‌دا بۆمان ڕوون ده‌بێته‌وه‌که‌له‌ته‌قدیمکردنی پڕۆژه‌کان به‌رژه‌وه‌ندی گشتی نیشتمانی و خه‌ڵکی هیچ گرنگیه‌کیان نییه، به‌ڵکو ئه‌و خۆی کاتی پێشکهشکردنی پڕۆژه‌دیاری ده‌کات ، با پڕۆژه‌که‌ش به‌عه‌قڵی ئه‌ندام په‌رله‌مانه‌کان له‌ئێستادا زۆر گرنگیش بن و له‌به‌رژه‌وه‌ندی خه‌ڵکیشدابن ، به‌ڵام مادامه‌کی کاتیان نه‌هاتووه‌که‌واته‌نابێت پێشکه‌ش بکرێن ، ده‌بێت هه‌ر پرۆژه‌یه‌ک له‌عه‌قڵێ ئه‌ودا مه‌رامی ته‌قینه‌وه‌یه‌کی سیاسی و که‌سی بپێکن ، نه‌ک به‌رژه‌وه‌ندی گشتی ، لێره‌دا ئه‌وه‌شمان بۆ ڕوون ده‌بێته‌وه‌که‌ئه‌و پڕۆژه‌یه‌ش (نامه‌که‌ی ئێستای) تهوقیتی هاتبوو بۆ مه‌رامی سیاسی و په‌رده‌پۆشکردنی کرده‌وه‌ئابڕوو به‌ره‌‌کانی خودی خۆی و بزوتنه‌وه‌ی گۆڕان و کڕینه‌وه‌ی ئابڕووی خۆی و ڕووسپی که‌دنه‌وه‌ی خۆی و بزوتنه‌وه‌که‌ی له‌سه‌ر حیسابی قۆزتنه‌وه‌ی هه‌ڵه‌زه‌قه‌که‌ی ئه‌م چوار ئه‌ندام په‌رله‌مانه، نه‌ک باسه‌که‌وه‌ک خۆی .
هه‌رسه‌باره‌ت به‌وه‌ی که(هه‌رپرۆژه‌یه‌کیش تهوقیتی خۆی هه‌یه)ده‌مه‌وێت ئه‌وه‌باس بکه‌م که‌شتێکی دیکه‌ی مه‌ترسیدار له‌عه‌قڵییه‌تی سیاسی نه‌وشێروان مسته‌فادا به‌دیار ده‌که‌وێت ، وه‌ک مه‌دره‌سه‌بۆگه‌نه‌کانی یه‌کێتی و پارتی به‌ڵام به‌تایبه‌تی پارتی ، ئه‌گه‌ر له‌هه‌ر سات و بارو دۆخێکدا که‌سێک یان که‌سانێک له‌ناو حزبه‌که‌یاندا به‌دیار بکه‌ون و به‌ره‌و ئه‌وه‌بچن که‌ببنه‌سیمبولێک له‌گۆره‌پانی سیاسی و مه‌ترسی ئه‌وه‌یان لێ بکرێت که جێ به‌وانه‌ی سه‌ره‌وه‌ی خۆیان له‌ق بکه‌ن و گره‌وی سیاسیان لێ ببه‌نه‌وه،ئه‌وا به‌هه‌ر هۆکارێک بێت ده‌بێت له‌که‌سایه‌تییان بدرێت و دوور بخرێنه‌وه‌نه‌وه‌ک له‌به‌ر چاوی خه‌ڵک بن و جه‌ماوه‌ر په‌یدابکه‌ن ، نموونه‌یه‌کی دیاریش له‌ناو بزوتنه‌وه‌ی گۆڕان ، ئه‌گه‌ر له‌یادتان مابێت له‌ماوه‌ی کارکردنی ئه‌ندام په‌رله‌مانه‌کانی بزوتنه‌وه‌ی گۆڕان له‌م هه‌یکه‌له‌ی په‌رله‌مان ، چه‌ند کاره‌کته‌رێک وه‌ک سیمبولی بوێریی و ئازایی و چاونه‌ترسیی و زیره‌کی به‌دیارکه‌وتن ، پاشان نه‌وشێروان مسته‌فا درکی به‌مه‌ترسی ئه‌وه‌کرد که‌هه‌ر یه‌که‌له(د.شاهۆ سه‌عید و د.زانا ڕه‌ئوف و د. جه‌عفه‌ر و د.په‌ریهان) خه‌ریکه‌ده‌بنه‌ناوی دیار و یه‌که‌مین له‌ناو بزوتنه‌وه‌ی گۆڕان ، هه‌ڵسا به‌بیانووی جیاواز له‌ناو په‌رله‌مان دووری خستنه‌وه‌و په‌راوێزی کردن ، تا وای لێهات ئێستا ئه‌و که‌سایه‌تیانه‌زۆر به‌که‌می و به‌ئه‌رکی لاوه‌کی تر به‌دیار ده‌که‌ون ، ئه‌مه‌ش وایکرد ئه‌وانه‌له‌گۆڕه‌پانه‌که‌نه‌مێنن و پێگه‌ی جه‌ماوه‌ریان نه‌مێنێت ، لێره‌دا ڕوو ده‌که‌مه‌ئه‌و گه‌نجه‌به‌توانا وخاوه‌ن بڕوانامانه‌ی که‌له‌ناو بزوتنه‌وه‌ی گۆڕان به‌هومێده‌وه‌کار ده‌که‌ن ، ده‌بێت ئه‌وه‌بزانن که ئاستی به‌سه‌رکه‌وتن و گرنگبوونتان له‌پێگه‌ی بڕیار له‌بزوتنه‌وه‌ی گۆڕان سنوورداره‌و چاوڕوانی ئه‌وه‌بن که‌ڕۆژێک (تهوقیتی) بهێت ، به‌هه‌ر هۆکارێک بێت له‌پێگه‌جه‌ماوه‌ریه‌که‌تان بدرێت و دووربخرێنه‌وه .
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
