یاداشتی ناڕەزایەتی

Monday, 21/06/2010, 12:00

بۆ سەرۆكی هەرێمی كوردستان
سەرۆكی حكومەتی هەرێمی كوردستان
سەبارەت بە تیرۆری سەردەشت عوسمان
پاش سڵاو...........

ئێمە بەشداربوان لە كۆنفرانسی سێیەمی فیدراسیۆنی سەراسەری پەنابەرانی عێراقی لە سویسرا سەڕەرای ئیدانەكردنی تێرۆری ڕۆژنامەنوس و قوتابی زانكۆ (سەردەشت عوسمان) پشتیوانی خۆمان لە ناڕەزایەتیە جەماوەریەكانی لە كوردستان ودەرەوە لەپێناو بەرگری لە ئازادیو دژ بەتیرۆری سیاسی لە كوردستان ڕادەگەیەنیین .و داواكاری:
1. لیژنەیەكی لێكولینەوەو بێلایەن و سەربەخۆ لە پارتی و حكومەتی هەرێم ،لەژیر چاودیری نیو نەتەوەیی لە پێناو لێكولینەوەو بەدوادا چوون لە تیرۆری سەردەشت عوسمان پێك بهێنرێ.
2. سەرۆكی پارتی دیمكراتی كوردستان هەڕەشەكانی لە ئازادی و تومەتباركردنی خەڵكی ناراِزی بە ئاژاوەگێر وەربگرێتەوە.
3. ئازادی بیقەیدوشەرتی سیاسی و بیروڕادەربرینو ڕۆژنامەگەری بكرێتە یاسا لە كوردستانو دەسەڵات پاپەندبوونی خۆی بەكردەوە بەو یاسایە ڕابگەیەنێت.
ئەم یاداشتە بەزۆرینەی دەنگ لەكۆنفرانسی سێیەمی فیدراسیۆنی سەراسەری پەنابەرانی عێراقی-سویسرا دەنگی پێدرا.
19-6-2010

تیبینی/ کۆنفرانسی سێهه‌می فیدراسیۆن له‌ سویسرا 19.06.2010 له‌ شاری زوریخ سازکرا.